31Martxoa2020

002.jpg

Nabarmenak

Nabarmenak

prestazio zerbitzuen gida Euskaraz

koronabirusa-babestu-inprentaWEB

 

Recomendaciones residuos euWEB

 

 

Etxeetako atariak eta eremu komunak garbitzeko jarraibideak

Portaletako garbiketa page-0001 

bulegoa

Ordutegia: 

Ostirala: 09:00 - 14:00

Hitzordua aurrez eskatu behar da

COVID-19aren osasun larrialdia dela eta, kontsumitzaileen egoera eta arazo ohikoenen informazioa:

DESKARGATU

BILLABONA PARTIDUAK web

ALBISTEAK

IMG-20200308-WA0000WEB

Gogor salatzen ditugu larunbat gauean plazan eta Behar Zana frontoian egindako txikizioak

Pasa den larunbat gaueko ordu txikietan, hainbat ezezagunek txikizioak eragin zituzten Errebote plazan eta batez ere Behar Zana frontoian: Kristalak apurtu, kableak moztu, makinak kolpatu, plazako panela lurretik atera eta bota... 

Gogor salatzen ditugu ekintza bandaliko zentzugabe hauek eta gure elkartasuna helarazi nahi diegu Behar Zana pilota elkarteko kideei.

Gure eskuetan dagoen guztia egingo dugu kalteak ahalik eta azkarren konpontzeko eta errudunak identifikatu eta zigortzeko.

34450060296 1bb3c05e81 o

Amasamendiko mahai parte hartzailearen bilera martxoaren 11n

Amasa-Villabonako udaleko Ingurumen sailak antolatuta, Amasamendiko kudeaketaz arduratzen den lan mahai ireki eta parte hartzailearen bilera berri bat egingo da hilabete honetan.

DEIALDIA:

Eguna: Martxoaren 11
Ordua: 19tan
Lekua: Villabonako Udala

Gehiago irakurri...

IMG20200229112931

Asfaltatze lanak egin dira herriko hainbat errepidetan

Otsailean zehar, eguraldi onak lagunduta, egoera kaskarrean aurkitzen ziren hainbat errepide tramo asfaltatu ditu udalak. Guztira bost lekutan egin dira errepideetako hobekuntza lan hauek: Kale Berrian, Altzin kalean, Amasa azpialdeko Aldapeta auzoan, N-1 gasolindegiko atzealdeko errepidean eta Legarretatik Fraisorora doan nekazal bidean.

Gure herriko kale eta errepideak egoera egokian mantentzeko lan hauek, udalak hirigintza arloan etengabeko mantenu lanak egiteko duen borondatearen islada dira. Datozen hilabeteetan ere asfaltatze eta txukuntze lan gehiago egiteko konpromisoa adierazi du udal gobernuak. 

IMG 9900 tokikom 700x700

Jai batzordearen bilera, ostegunean 18:30ean

Santio jaiak prestatzeko, martxan dira jada jai batzordearen bilerak. Otsailaren 27an, ostegunarekin egingo da hurrengo bilera, 18:30ean hasita, udaletxeko batzar aretoan.

Honako gaiak jorratuko dira bilera honetan:

• 2020ko Santio jaietako egitaraua ixtea.

• Txupinazoa jaurtitzeko proposamenen azterketa egitea.

• Kontzerturako proposamenak jasotzea.

• Bestelakoak.

c173de8a-839d-42a5-9a00-2d41631c9d71

Saharar diasporako taldeen arteko partidua Arratzaingo futbol zelaian

Pasa den igandean, Saharar diasporako taldeen arteko txapelketako futbol partidua izan zen Arratzain futbol zelaian.

Bi taldeen arteko partida izan zen, bata Frantziar estatuan zehar bizi diren sahararrek osatua eta bestea Gipuzkoako herrietan bizi diren sahararren taldea. Jokalariak Paris-etik ere etorri ziren gurera partidu hau jokatzeko eta askok Hernialdeko aterpetxean pasatu zuten gaua. Partidu hau Saharar Errepublika Arabiar Demokratikoak (SEAD) antolatzen du eta Europako lurralde ezberdinetako saharar diasporako jokalariek osatutako dozenaka taldek parte hartzen dute. 

Udalaren izenean eskerrak eman nahi dizkiogu Billabona FKE-ari nazioarteko partidu hau jokatzeko emandako erraztasunengatik.

KOTXE BERRIAweberako

Udalak auto elektriko berria eskuratu du udal brigadako langileek erabiltzeko

Udal gobernuaren iritziz garapen jasangarriaren helburua lortzeko bidean, aurrera urrats xume bat izango da.

Auto elektriko hau Citroen Berlingo klasekoa da eta Amasa-Villabonako udal langileek beren egunerokotasunean erabiliko dute. Udalak garatutako esleipen prozesua amaitu ondoren, Urkiola Motor SL enpresari erosi zaio autoa eta guztira 28.939,93 euroko inbertsioa egin da.

Bestalde, aipagarria da auto berri honen erosketarako Eusko Jaurlaritzaren Ingurumen sailaren diru laguntza ere lortu dela (aldaketa klimatikoari aurre egiteko diru laguntza lerroaren baitan), diru laguntza hori 4.000 eurokoa izan da.

Inbertsio honekin udalak klima aldaketa eragiten duten gasen igorpenaren jaitsiera lortuko du eta hori albiste ona da dudarik gabe.

Azpikategoria

logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.