16Urtarrila2021

002.jpg
Zu hemen zaude: Albiste nabarmenak
Azaroak 25 2 SSweb

Udalak hainbat ekintza antolatu ditu indarkeria matxistaren kontrako egunaren bueltan

Azaroaren 25am emakumeen kontrako indarkeria ezabatzeko nazioarteko eguna da. Hori dela eta, azken urteetan bezalaxe, aurtengoan ere indarkeria matxista salatzeko ekimen ugari izango dira gurean. 

Covid-19aren pandemia honetan bizi dugun egoeraren ondorioz, jende pilaketak ekidin behar dira eta horregatik deialdi jendetsuak egitea eta pasa den urtean bezala herriko ikastetxeetako ikasleekin kalejira egitea ezinezkoa izango da. Hala ere, Amasa-Villabonako udalak egitarau zabala antolatzea erabaki du, beti ere prebentzio neurri guztiak betez.

Udalak antolatutako egitaraua  IKUSI KARTELA

  • Azaroak 24 asteartea, 18:30etan Subijana etxeko aretoan: Etxeko enplegua, diskriminazioa eta generoa hitzaldia, Tatiana Bellorin eta Gerardo Carrere Errenteriako SOS Arrazakeriako kideen eskutik. 
  • Azaroak 25 asteazkena, 12:00etan Villabonako udaletxean: Indarkeria matxistaren kontra egindako matazak zintzilikatuko dira udaletxeko bakloietan eta Beariz Unzue alkateak manifestu bat irakurriko du. Ekimen honetarako, Amasa-Villabonan bizi diren jatorri ezberdinetako emakumeak gonbidatu dira.
  • Azaroak 27 ostirala, 18:30etan Subijana etxeko aretoan: Tratu ona ematea: Duintasun eta eskubide kontua hitzaldia eta elkarrizketa, Maria Jesus Goikoetxea psikologoa, teologoa eta Deustuko unibertsitateko irakaslearen eskutik.

Amasa-Villabonako udalak ekimen hauetara gerturatzeko gonbidapena egiten die herritarrei.

Aiztondoko Mugimentu Feministaren deialdiak

Indarkeria matxistaren aurkako egunaren inguruan, Aiztondoko Mugimendu Feministak ere hainbat deialdi egin ditu Indarkeria matxistaren aurrean, autodefentsa saretu lemapean. Udalak bat egiten du ekimen hauekin eta parte hartzeko deia egiten du.

  • Azaroak 20 ostirala 19:00etan Berdura plazan: Argazki jendetsua.
  • Azaroak 25 asteazkena, 19:00etan Zubimusu zubian: Elkarretaratzea.
Bonoak KARTEL OROKORRA

Udalak Merkataritza Bonoen II. kanpaina abiatuko du

Amasa-Villabonako udalak 2020ko bigarren merkataritza bonoen kanpaina abiatuko du abenduaren hasieran. Kanpaina honen helburua, herriko merkataritza establezimenduak laguntzea izango da, herritarrek urtero gabonen testuinguruan egiten diren erosketa bereziak herrian bertan egin ditzaten sustatuz. Kasu honetan, ekainetik irailera luzatu zen kanpainan ez bezala, herriko merkataritza establezimendu guztiek parte hartu ahal izango dute bonoen kanpainan, baita elikagaiak saltzen dituzten dendak ere (harategiak, arraindegiak, fruta dendak...). Saltokiez gain, zerbitzuak eskaintzen dituzten establezimenduek ere parte hartu ahal izango dute: Ile apaindegiak, fisioterapiak etab.

Kanpaina honen oinarriak azaroaren 13an argitaratu ziren Gipuzkoako Aldizkari Ofizialean: GAO Merkataritza bonoen II. kanpaina_Villabona

- Aurrekontua: Udalak 30.000 euroko aurrekontua ezarri du bonoetarako eta beste 2.000 euro kanpainako gastuetarako (diseinua, inprenta...). 

- Establezimenduek bete beharreko baldintzak:

  • Amasa-Villabonan kokatutako establezimendua izatea.
  • Ekonomia-jardueren gaineko zergan alta emanda egotea 2020ko martxoaren 14a baino lehen.
  • Gizarte Segurantzarekiko eta Ogasunarekiko zerga-betebeharrak egunean izatea.
  • Villabonako Udalarekiko betebeharrak egunean izatea.
  • Diru-laguntzei buruzko azaroaren 17ko 38/2003 Lege Orokorraren 13. artikuluaren 2. eta 3. zenbakietan adierazitako debeku-kausetako batean ere ez egotea.

ESTABLEZIMENDUEN IZEN-EMATEA

Epea: Azaroaren 16tik 23ra

Egin eta aurkeztu beharrekoa:

  • Formulario hau bete behar da: Bonoen formularioa
  • Ezarritako betekizunak betetzen direla bermatuko duen erantzukizunpeko adierazpena. Honekin, establezimenduak bete behar dituen baldintzak ofizioz eta zuzenean egiaztatzeko baimena emango dio udalari.
  • IFK edo IFZren kopia.
  • Ahaldunen kasuan, ordezkaritza-idazkia.

*Udalari ekimen honetan parte hartzeko establezimenduak bete behar dituen baldintzak ofizioz egiaztatzeko baimenik ematen ez bazaio, honako dokumentazioa aurkeztu beharko da:

  • Jarduera Ekonomikoen gaineko Zergaren ziurtagiria (EJZ).
  • Gizarte Segurantzarekiko ordainketak egunean dituela egiaztatzen duen ziurtagiria.
  • Ogasunarekiko zerga-betebeharrak egunean dituela egiaztatzen duen ziurtagiria.

Eskabideak aurkeztu ondoren eta establezimenduek baldintza guztiak bete tzen dituztela egiaztatu ondoren, establezimenduak mezu elektroniko bat jasoko du udaleko ogasun sailetik eta bertan baieztatuko du kanpainarekin bat egiten duela. Ondoren, udalak onartutako establezimenduen zerrenda bere webgunean (villabona.eus) argitaratuko du.

KANPAINAREN EZAUGARRI NAGUSIAK

Bonoen ezaugarriak eta balioa:

Herritarrek 30 euro ordainduta, 50 euroko balioa duen bono-txartel bat eskuratuko dute. Bono-txartel horretan, guztira 7 bono indibidual egongo dira: 10 euroko 3 bono, eta 5 euroko 4 bono. Beraz, Amasa-Villabonako Udalak bonu-txartel bakoitza 20 euroko kopuruarekin lagunduko du.

Establezimendu bakoitzak bere bono-txartelak izango ditu:

Bonu-txartel bakoitza saltoki edo zerbitzu bati dagokio. Hau da, establezimendu bakoitzak bere bono-txartel propioak izango ditu. Establezimendu batean bono-txartela eskuratu ezkero, bono horiek establezimendu horretan soilik erabili ahal izango dira.

Denda guztiek bonu-txartel kopuru bera jasoko dute, modu guztiz proportzionalean. Denda edo saltoki bakoitzari dagokion bonu-txartel kopurua, kanpainari atxikitako establezimendu-kopuruaren arabera zehaztuko da.

Establezimendu bakoitzean bono-txartel bakarra erosi ahal izango da.

Kanpainaren iraupena:

Bonuak ekimena hasten denetik (2020ko abenduaren lehen astetik) 2021eko urtarrilaren 5era bitartean edo amaitzen diren arte, erosi ahal izango dira. Epe hori igarotakoan, bonuak ondoriorik gabe geratuko dira.

Beste baldintza batzuk:

Erosketaren zenbatekoa bonuaren zenbatekoa baino txikiagoa bada, aldea ez da eskudirutan itzuliko.

Bonuak ezingo dira eskudirutan trukatu, eta horien zenbatekoa ez da inolaz ere itzuliko. Bonua erosi ondoren ere ez da inolako trukerik onartuko.

ESTABLEZIMENDUEN BETEBEHARRAK

Kanpaina honetan parte hartuko duten establezimenduek konpromiso hauek hartuko dituzte:

  • Kanpainako informazio-materialak biltzea eta saltokian leku ikusgarri batean kokatzea.
  • Establezimenduan erabilitako bonuen egiazkotasuna egiaztatzea.
  • Udalak emandako erregistro papera betetzea. Bonu txartela eskuratu duen bezeroaren izen-abizenak, NAN zenbakia, saldutako bonuaren zenbakia eta sinadura adierazita: Bete beharreko fitxa.
  • Jasotako bonoekin batera, bono bakoitzari dagokion erosketa-tiketa ere gorde beharko da. 
  • Villabonako Udalari jakinaraztea establezimenduaren eskura jarritako bono-txartel guztiak saldu direla, baldin eta salmenta epea amaitu baino lehen saldu badira. Establezimenduaren titularrak «Bonuak agortuta» eranskailua establezimenduan ikusgai jarri beharko du.
  • Jatorrizko bonuak eta erosketa tiketak establezimenduan gordetzea, Udalak azken ordainketa egin arte.
  • Saltzeko epea amaitu ondoren, saldu gabeko bono-txartelak Udalari ematea.

 

IMG 7464 tokikom 700x700

Ia 1.200 pertsonak egin dute PCR froga, aukera zutenen %41ak

Gaur Villabonako frontoian PCR frogak egieari utzi eta berehala, 14:00etan, agerraldia egin dute Beatriz Unzue eta Iker Urruzola, Amasa-Villabona eta Zizurkilgo alkateek. Bertan jakinarazi dute, 13 eta 40 urte artekoen %41ak agin dituela frogak atzo arratsaldean eta gaur goizean, guztira ia 1.200 herritarrek. Horrekin batera, alkateek eskerrak eman dizkiete bi egun hauetan PCR-ak egin dituzten herritar guzti horiei. Frogen emaitzak ezagutzerakoan, osasungintzako arduradunekin elkarlanean emaitza horiek aztertuko dituztela jakinarazi dute, ateratzen diren ondorioen araberako neurriak hartzeko helburuarekin.

Bestalde, alkateek  PCR froga horiek bizkanleria osoari zabaltzeko eskakizuna egin diote Osasun Sailari, modu horretan Covid-19aren pandemiak bi herrietan aurkezten duen egoeraren diagnostiko zehatzagoa egiteko aukera izango litzatekela argudiatuz. 

Azpikategoria

Zu hemen zaude: Albiste nabarmenak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.