26Iraila2020

004.jpg
Zu hemen zaude: Albiste nabarmenak
berpiztu uztaila web

Uztailerako aisialdi eskaintza berezia antolatu da, herriko hainbat eragilerekin elkarlanean

Aurtengoan, Covid-19aren osasun larrialdia dela eta ezarritako segurtasun baldintzak betetzeko ezintasunaren ondorioz ezinezkoa izan da "oporretan euskaraz" ohiko udalekuak antolatzea. Arazo honi aurre egin nahian, udal ordezkariak herriko hainbat eragileekin biltzen hasi ziren, uztail berezi honetan gutxienez aisialdi programazio bat antolatu ahal izateko.

Azkenean, elkarlanak fruituak eman ditu eta "Berpiztu Amasa-Villabona" herri dinamikaren baitan, aisialdi eskaintza zabala antolatu ahal izan da haur, gazte, heldu eta adinekoentzat.

HAURRAK: 6-11 urte

Haurrei dagokionez, Lehen Hezkuntzako ikasketak egiten ari diren haurrei zuzendutako saioak antolatu dira. Saio horietan, txikiek jokuak, kirolak, eskulanak eta beste hainbat ekintza dibertigarri egiteko aukera izango dute, gehienez 13 haurreko 2 taldetan banaturik (gehienez 26 haurrek eman ahal izango dute izena adin tarte bakoitzeko). Uztaila bi hamabostalditan zatitu da eta ondorioz bi txanda izango dira: lehena uztailaren 6tik 15era, eta bigarrena uztailaren 20tik 29ra. Saioak astelehen, astearte eta asteazken arratsaldetan izango dira eta adinen arabera horrela banatuko dira:

  • LH1-LH2: 16:00etatik 17:30etara.
  • LH3-LH4: 17:30etatik 19:00etara.
  • LH5-LH6: 19:00etatik 20:30etara.

GAZTELEKUKO ESKAINTZA

Gazteek Katea Etxea Gaztelekuko monitoreekin ekintza ezberdinak izango dituzte aukeran: ping pong txapelketa, ginkana, bizikleta txangoak, zaldian ibiltzeko aukera, piraguismoa... Hauetako ekintza batzuk ordaindu egin beharko dira.

HELDU ETA ADINEKOENTZAT IKASTAROAK

Helduentzat eta adinekoentzat Zunba eta Mantenu gimnasia saio edo ikastaro laburrak antolatu dira, uzatailaren 6an hasita. Saio hauek Txermin auzoko Ikastola azpiko eremuan eskainiko dira, segurtasun baldintza guztiak betez:

  • Mantenu Gimnasia: astelehen eta asteazkenetan, 09:00-09:45 edo 10:00-10:45. Saio hauek 65 urtetik gorako herritarrentzat izango dira.
  • Zunba: Astearte eta ostegunetan, 09:00-09:45 edo 10:00-10:45.

Informazio eskuorria kontsulta dezakezue hemenhttp://villabona.eus/images/Berpiztu_uztaila.pdf

IZEN EMATEA:

  • Haurrak / helduak: uztailak 1 eta 2 (asteazken eta ostegun honetan), 16:00etatik 18:00etara udaletxeko arreta zerbitzuko bulegoan.
  • Gazteak (13-16 urte artekoak): uztailak 2 eta 3 (osteguna eta ostirala), 10:00-12:00 Gaztelekuan.

Udalak eskerrak eman nahi dizkie ekimen hauen antolaketan laguntzen ari diren herriko eragileetako kide guztiei eta boluntario gisa lan egiteko prest agertu diren herritarrei. Beraien gogo eta inplikazioari esker izan da posible aisialdi eskaintza hau osatzea.

KONTZILIAZIORAKO DIRULAGUNTZA BERRIA PRESTATZEN

Amasa-Villabonako udala oso konziente da aisialdi eskaintza hau, oso mugatua dela ohiko udalekuen aldean eta horrek kontziliazioa arazoak sortu ditzakeela hainbat familietan. Tamalgarria eta penagarria izan da egunero eta goizez izaten ziren udalekuak ezin antolatu izana, baina ahaleginak egin arren ezinezkoa suertatu da, prestatuta zegoen kontratoa ezin izan delako egungo egoera berezira egokitu. 

Ondorioz, udala familia-kontziliaziorako dirulaguntza lerro berri bat prestatzen ari da eta epe motzean onartu eta indarrean jartzea da udal gobernuaren helburua. Dirulaguntza honekin, kontziliazio arazoak diituzten guraso edo tutoreek haurra/k zaintzeko zaintzaileak kontratzea lagunduko da, kontratuaren portzentaia bat udalak ordainduko duelarik. Portzentaia hori progresiboa izango da, hau da, diru-sarrera txikiagoak dituzten familiei, zaintzailearen kontratuaren portzentaia handiagoa ordainduko zaio udaletik. Familia-kontziliazioaren arazoa edozein garaitan gertatzen denez, laguntza hauek ez dira uda garaiara soilik mugatuko eta urte osoan zehar banatuko dira.

 

 

Arreta zerbitzua

Covid-19 arreta eta aholkularitza zerbitzu berria udaletxean, Tolosaldea Garatzen-ekin elkarlanean

Tolosaldea Garatzen eskualdeko garapen agentziak, eskualdeko herritar guztiei bere zerbitzuak eskaintzen ari da Covid-19ak eragindako krisialdiaren ondorioei erantzuten laguntzeko. 

Amasa-Villabonako Udala Tolosaldea Garatzeneko bazkide denez, zerbitzu horiek Amasa-Villabonako eta inguruko herritarrei gerturatzeko ahaleginean ari da, eta hori dela eta uztailan zehar arreta udaletxean ere jasotzeko aukera eskainiko du.

Zuzeneko arreta zerbitzu berri hau Amasa-Villabonako udaletxeko behe solairuko herritarren arreta zerbitzuko bulegoan bertan ezarriko da eta astearte eta ostegun goizetan eskainiko da, ostegun honetan (uztailak2) hasita. Ezinbestekoa izango da aurretik hitzordua edo zita hartzea Tolosaldea Garatzen-ekin harremanetan jarrita, 943654501 telefonora deituz. 

Arreta zebitzu honen bidez, espezializatutako teknikari baten laguntzarekin aurrez aurreko arreta, informazioa eta aholkularitza jaso ahai izango da Covid-19aren krisiarekin lotutako gaien inguruan: autonomo eta enpresetarako erakunde publiko ezberdinek martxan jarri dituzten diru-laguntak, enpleguarekin lotutako gaiak (ERTEak...), kontsumoaren ingurukoak etab.

ESKAINIKO DIREN ZERBITZUAK:

• Enpresa eta autonomoei aholkularitza eta informazioa (E-mail hau spam roboten kontra babestuta dago. JavaScript aktibatuta izatea behar duzu hau ikusteko.).
• Enplegu alorreko aholkularitza eta informazioa (E-mail hau spam roboten kontra babestuta dago. JavaScript aktibatuta izatea behar duzu hau ikusteko.)
• Ekintzailetza alorreko aholkularitza eta informazioa (E-mail hau spam roboten kontra babestuta dago. JavaScript aktibatuta izatea behar duzu hau ikusteko.)
• Kontsumo alorreko aholkularitza eta informazioa (E-mail hau spam roboten kontra babestuta dago. JavaScript aktibatuta izatea behar duzu hau ikusteko.)

ARRETA HONAKO BIDEETATIK ESKAINIKO DA:

• Telefonoz: 943 654501 (eta dagokion luzapena aukeratuz).
• Emailez (aurreko zerrendako e-mailetara idatzita)
• Presentzialki. Kasu honetan ezinbestekoa izango da aldez aurretik zita eskatzea 943654501 telefonora deituta.

  • Villabonako Udaletxean. Astearte eta Ostegunetan 9:00-13:00 artean (uztailean).
  • Lehiberri Zentroan (Apattaerreka Industrigunea, Tolosa). Egunero.
lgtbi WEB

Udalak Erakunde Adierazpena onartu du LGTBI harrotasunaren nazioarteko eguna dela eta

Ekainaren 28an LGTBI harrotasun eguna ospatzen da munduko bazter guztietan. Hori dela eta, Amasa-Villabonako udalak Erakunde Adierazpena kaleratu du udalbatza osatzen duten alderdi politikoen arteko adostasunarekin. 

Honakoa da onartu den Erakunde Adierazpena:

LGTBI HARROTASUNAREN NAZIOARTEKO EGUNA DELA ETA, ADIERAZPEN INSTITUZIONALA

51 urte igaro dira Stonewallen lesbiana, gay, transexual, bisexual eta intersexualak poliziaren aldetik jasaten zituzten jazarpenaren eta xantaiaren aurrean erreboltatu zirenetik: data hori mugarri bihurtu zen LGTBI pertsonen borrokan.

Stonewalleko gertakarien geroztik LGTBI Harrotasunaren Nazioarteko Eguna ospatzen da ekainaren 28an: gizartearen aniztasuna eta, bereziki, aniztasun afektibo-sexuala aldarrikatzeko eguna da, pertsona guztien eskubideak gizarte osoari gogoratzea xede.

COVID-19aren pandemiaren ondorioz, salbuespenezko une historiko bat bizi dugu. Pandemiak gogor astindu du mundua, gure bizimoduak hankaz gora jarri dira eta "normaltasun berri" batera itzultzeaz hitz egiten entzun dugu. Hala ere, LGTBI pertsonek bezala eskubide guztiak osorik baliatu ezin dituztenentzat, beharrezkoa da eskubide indibidual eta kolektiboak bermatzeko lanean sakontzen jarraitzea.

Erakundeok pertsona guztientzako eskubide guztiak bermatzeko erantzukizuna dugu, eta bereziki zaindu behar dugu LGTBI pertsonena bezalako kolektibo ahulenek eskubide horiek izan ditzaten. COVID-19aren garaian ere egin behar dugu: krisia ezin da aitzakia izan inor atzean uzteko. Garaiz gabiltza garai berri bati ekiteko, aukera dugu euskal gizarte errespetuzkoago, justuago, duinago eta askeago baterantz aurrera egiteko.

Horregatik, ekainaren 28an, hainbeste LGTBI kolektibok eta pertsonak Euskal Herrian egin duten borroka luze eta estimaezina aitortu nahi dugu.

Era berean, udal honek LGTBI pertsonen eskubideekin duen konpromiso politikoa berretsi nahi du, urteko egun guztietan. Adierazpenetatik haratago, gure konpromisoa politika zehatzetan islatu behar da, bakoitzak bere giza baliabide, baliabide tekniko eta ekonomikoekin: mugimendu feministako eta LGTBI mugimenduko ordezkari eta adituekin elkarlanean.

Horiek horrela, Amasa-Villabonako udalak:

  • Konpromisoa hartzen du LGTBI pertsona guztien berdintasun osoaren eta eraginkorraren alde lan egiten jarraitzeko, barneko, Europako eta nazioarteko ordenamendu juridikoarekin bat etorriz.
  • Aldarrikatzen du LGTBI pertsonak nazioartean aitortutako eskubide subjektiboen jabe direla, eta ezin zaiela inolako diskriminaziorik egin.
  • Tratu berdintasunaren eta diskriminaziorik ezaren printzipioaren bermatzaile gisa, konpromisoa hartzen du beharrezkoak diren neurri eta tresna guztiak bultzatzeko, LGTBI pertsonen aurkako askotariko diskriminazio- moduei buruzko ezagutzak eskuratzen laguntzeko, eta tratu berdintasunaren eta diskriminaziorik ezaren printzipio hori lortzen laguntzeko.
  • Bere eskumen-eremutik, konpromisoa hartzen du diskriminazioaren aurkako LGTBI araudi integral bat sustatzeko, indarrean dagoen araudia osatuko duena.
  • Gogor gaitzesten ditu sexu-orientazioaren eta genero identitatearen ziozko indarkeria mota guztiak, hala agerikoak nola ikusezinak, bai eta gorroto-delituak, diskriminazioa, intolerantzia, umiliazioa, gutxiespena eta gainerako indarkeria sotilak ere.
  • LGTBI mugimenduak hartutako konpromisoa eta egindako lana aitortzen du, funtsezkoak izan baitira LGTBI kolektiboaren giza eskubideak aitortzeko egindako aurrerapenean.
  • Herritar guztiei dei egiten die diskriminazio mota guztiei buruz hausnartzeko, eta LGTBI mugimenduak deitutako ekintzetan parte har dezaten.
  • Amasa-Villabonako udalak, LGTBI harrotasunaren sinboloa den ortzadar koloreko banderak ezarriko ditu hainbat udal eraikinetan.

Azpikategoria

Zu hemen zaude: Albiste nabarmenak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.