16Urtarrila2021

005.jpg
Zu hemen zaude: Albiste nabarmenak
Kultura sarrera

Zinema eta ikuskizun guztietarako sarrerak online erosteko aukera

Dagoeneko Gurea aretoan eskainiko diren emanaldi guztietarako sarrera numeratuak online erosi daitezke hemen. Dena den, kontuan hartu behar da online erosten diren sarrerak %5eko kargua izango dutela.

Bestalde, orain arte bezala, Gurea aretoko leihatilan ere egongo da sarrerak eskuratzeko aukera; emanaldia baino ordubete lehenago zabaltzen da leihatila.

Zineko bonoak leihatilan bakarrik erosi daitezke.

Urriko kultur egitarauaren barruan antolatu diren ekimenak hemen topatuko dituzu.

berpiztu maskarilak

Musuko berrerabilgarriak, 6 urtetik gorako herriko ikasleentzat

Covid-19ari aurre egiteko garrantzitsua da musukoaren erabilera, beraz, Amasa-Villabonako udalak musuko berrerabilgarriak banatu ditu 6 urtetik gorako herriko ikasleen artean, eta bide batez, ikasleen familiei laguntza xume bat eskaini. Era berean, udaleko langileen artean ere banatu ditu musukoak.

“Berpiztu Amasa-Villabona”
Musukoek “Berpiztu Amasa-Villabona” leloa dute albo batean, gure herriaren eta bertan bizi garenon bizi-gogoa goraipatzen duena.

Ingurumenarekiko konpromezua mantendu
Pandemia garaian ere ingurumena eta natura babesten jarraitu nahi du udalak, beraz, banatutako musukoak berrerabilgarriak dira, erabilera bakarreko musukoek hondakin kopuru handiak sortzen dituzte eta.

Udala elkarlanerako pronto
Amasa-Villabonako udala ikasturte berriaren hasierak eskatu duen esfortzuaz jakitun da; ezarritako protokoloak aplikatu beharra, beharrezko langileen falta,… beraz, udalaren laguntza eta elkarlanerako prestutasuna helarazi nahi die herriko ikastetxeei.

Animo eta segi aurrera!

Kultur ikastaroak 2

Kultura sailak ikastaro aukera zabala aurkeztu du udazkenerako

Gaur udaletxe aurrean egindako agerraldian Garazi Bengoetxea kultura zinegotziak eta Joxean Kubero kultur teknikariek eman dituzte aurtengo kultur ikastaroen inguruko xehetasunak. Aurtengoan hainbat berrikuntza izango dira; izen ematea telematikoki egin beharko da eta Covid-19aren eraginez, printzipioz ikastaroak abendura arteko iraupena izango dute, abenduan dugun egoeraren arabera, ikastaroak luzatu edo ez erabakiko du udaleko kultura sailak. 

Izen-emate epea: urriaren 5etik 14ra arte.

Aurten, osasun egoerak horrela eskatuta, izen-ematea telematikoki egin beharko da hemen Amasa-Villabonako udaleko Kultura sailak haurrentzat zein helduentzat, ikastaro eskaintza zabala antolatu du aurtengo udazkenerako. Guztira,10 ikastaro daude aukeran; urte osoko 8 ikastaro eta 2 ikastaro labur.

Helduentzako urte osoko ikastaroen artean daude Arte aplikatuak, Egur lanketa eta pintura ikastaroak, azken hau 13 urtetik gorakoentzat. Ikastaro laburren artean, aldiz, Serigrafia edota Mindfulness.

Haurrei dagokienean, hauek ere eskaintza zabala dute aukeran: Funky (11-16 urte), Ballet (6-12 urte), Klown (8-12 urte), eskulanak (6-10 urte) eta pintura (4-12 urte).

Ikastaro guztien informazioa

Hasiera batean, urte osoko ikastaroak abendura arte
Osasun egoerak horrela eskatuta, urte osoko ikastaroak Gabonetako oporrak arte eskainiko dira. Abenduaren erdialdean, Udalak momentuko osasun egoera baloratuko du eta egoki ikusiz gero, ekainera arte luzatu ditzake ikastaroak. Dena den, abenduaren erdialdera Amasa-Villabonako udaleko Kultura saila harremanetan jarriko da ikastaro bakoitzeko ikasleekin eta jarraitzeko interesa duten edo ez galdetuko du. Aurrera egitea erabakiz gero, urtarriletik abendurako kuota kobratuko da.

Ikastaroetan izen-ematea, telematikoki
Ikastaroetan interesa dutenek, izena telematikoki eman beharko dute hemen. Ezinbestekoa izango da ikasle guztiek helbide elektroniko bat eta telefono mugikorreko zenbaki bat ematea.
Ikastaroren bati buruzko galdera gehigarriren bat egin nahi izanez gero, E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera mezu bat bidali telefono zenbaki batekin, eta Udala jarriko da harremanetan galdera egin duen pertsonarekin.

Azpikategoria

Zu hemen zaude: Albiste nabarmenak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.