13Uztaila2020

003.jpg
Zu hemen zaude: Albiste nabarmenak
IMG20200430135408

Datorren astean Herritarren Arreta Zerbitzura jotzeko aukera, aurretiazko hitzorduarekin

Datorren astean, maiatzaren 4tik 8ra, Amasa-Villabonako udaleko Herritarren Arreta Zerbitzuko bulegoa herritarrei zabalduko zaie, beti ere aurretiazko hitzorduarekin.

Beraz, bulegoan bertan hainbat administrazio izapide burutzeko aukera izango da, hala nola, obra baimenak, erroldatzeak edota eskaerak. 

Beraz, datorren astean arreta bulegora gerturatzea beharrezkoa ikusten duten herritarrek, aurretik telefonoz deitu edo e-postaz idatzi beharko dute eta bertaratzeko ordua ezarriko zaie.

Telefonoa: 943 692100

E-Posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko. 

mascara-medica-proteccion-primer-plano-nina 23-2148480508

Udalak maskarilen doako banaketa egingo die 65 urtetik gorako herritarrei

Astelehen honetan herritar batek 3.500 maskarilen donazioa egin zion udalari eta horri esker, udalak maskara horien doako banaketa egitea erabaki du maiatzaren 1ean eta 2an. Udaletik, Amasa-Villabonako herriaren izenean, eskerrak eman nahi dizkiogu donazio hau egin duen herritarrari. Asko eskertzen dira horrelako elkartasun ekimenak. Mila esker! 

Herritar guztiei banatzeko adina maskarila kopururik ez dagoenez, udalak honako herritar taldeei soilik banatzea erabaki du, pertsona bakoitzari 3 maskarila helaraziz:

  • 65 urtetik gorako herritarrei (arrisku talde nagusia delako).
  • Gizarte zerbitzuetako erabiltzaileei.
  • Egoera ekonomiko larria duten familiei.

Igandetik aurrera adineko pertsonak kalera irteteko aukera izango dutela ikusirik, modu honetan 65 urtetik gora dituzten herritarrek kalera segurtasun handiagoarekin irteteko aukera izango dute. 

ETXEZ ETXEKO BANAKETAHerriko boluntarioen sarearen laguntzarekin bidez etxez etxe banatuko dira maskarilak.

  • 80 urtetik gorakoei, gizarte zerbitzuetako erabiltzaileei eta egoera ekonomiko larria duten familiei, etxez etxe banatuko zaizkie.
  • Amasa, Aldapeta, Agaraitz, Legarreta, Otsabi eta Otelarre auzoetan bizi diren 65 urtetik gorako herritarrei ere, maskarilak etxez etxe banatuko zazikie. 

AUZOKAKO BANAKETA. Herriguneko 6 puntutan, banaketa postuak ezarriko dira, bertan herriko boluntarioek maskarilak eskura banatuko dituzte.

  • 65-80 urte bitarteko herritarrei, herriko auzoetan ezarriko diren banaketa postuen bidez banatuko zaizkie maskarilak. Bakoitzak bere auzoko mahaira jo beharko du.

ORDUTEGIA: Maiatzak 2 larunbata, 11:00-13:30

Banaketa puntuak:

  • Arroako plaza: Arroa, Etxeondo
  • Larreako paseoan: Larrea auzoa
  • Oriamendiko plazan: Oriamendi, Errota
  • Malkar plaza: Kale Berria
  • Errebote plaza: Nagusia, Santio, Aldude, Pilotari
  • Anbulatorioa: Txermin, Erniobea, Altzin
errebote tokikom 700x700

Azokako elikagai saltzaileak Errebote plazara bueltatuko dira

Villabonako Errebote plazan izaten den astearte goizetako azokan elikagaiak saltzen dituzten salmenta postuak ezarriko dira aste honetan. Beraz, ohiko elikagai saltzaile hauek orain artean mantendu diren baserriko produktuen saltzaileei batuko zaizkie.

Covid-19aren osasun larrialdia hasi zenetik, udalak salmenta postu hauek ez ezartzea erabaki zuen jende pilaketak ekiditeko, baina oraingoan baimentzea erabaki du. Izan ere, elikagaien salmenta baimendua dago eta postu kopurua mugatua denez, beharrezkoak diren segurtasun neurriak ezartzeko baldintzak betetzen dira. Errebote plazak duen zabalera kontuan hartuta, guztira gehienez 7 salmenta postu ezarriko dira.

Besteak beste, fruta, fruitu lehorrak, gozoak, olibak, txerrikiak edota oilasko erreak erosi ahal izango dira, herritarrentzat ezagunak diren postu hauetan. Astearteko merkatura gerturatzen den jendeak ondo ezagutzen dituzten produktuak.

Segurtasun neurri zorrotzak:

Oraindik Covid-19aren pandemia kontrolaturik ez dagoenez, udalak segurtasun neurri zorrotzak ezarriko ditu:

  • Postuen arteko banaketa espazioa gutxienez 4 metrokoa izango da.
  • Postu bakoitzaren aurrealdean, lurrean markak ezarriko dira bezeroen artean 2 metroko distantzia egon dadin.
  • Saltzaile guztiek EPIak erabiliko dituzte (gutxienez maskarak eta guanteak).
  • Alkoholdun xaboiak ezarriko dira erosketak egin aurretik eskuak garbitzeko.

 

Azpikategoria

Zu hemen zaude: Albiste nabarmenak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.