26Iraila2020

010.jpg
Zu hemen zaude: Albiste nabarmenak
Diputazioan

Amasara doan errepidean hobekuntzak eskatzeko Foru Aldundiarekin bildu dira udal ordezkariak eta herritarrak

Beatriz Unzue alkatea eta Xabat Laborde hirigintzako zinegotzia, Amasako zenbait bizilagunekin batera, Gipuzkoako Foru Aldundiko Bide Azpiegitura saileko arduradunekin bildu dira gaur eguerdian Donostian, Villabonatik Amasara doan errepidearen baldintza kaxkarren berri emateko eta egoera horri irtenbide bat bilatzeko helburuarekin.

Aurtengo otsailean Amasako bizilagun talde batek, errepidearen egoera txarrarekin kezkatuta udalera jo zuen irtenbide bila. Errepideak ez ditu oinarrizko segurtasun baldintzak betetzen ez autoentzat eta are gutxiago oinezkoentzat, eta ezbeharren bat gertatzeko arrisku handia dago. Amasa-Villabonako udalak herritarren kezkarekin bat egin du, eta Villabonatik Amasara doan GI-3751 errepidearen egoera konpontzeko urratsak ematen hasteko konpromisoa hartu du. Horretarako ezinbestekotzat jotzen da Gipuzkoako Foru Aldundiako Bide Azpiegitura sailarekin elkarlanean aritzea.

Zentzu honetan, Amasa-Villabonako udal gobernuak, egoera konpontzeko eta errepidea segurua izan dadin egin beharko liratekeen lanak jasoko lituzkeen aurre-proiektu bat osatuko duela jakinarazi die Foru Aldundiko ordezkariei. Horretarako 15.000 euroko diru partida bat bideratuko du udalak. Aurre-proiektu horrek definituko ditu egin beharreko lanen xehetasun teknikoak eta aurrekontuaren estimazioa ere jasoko du. Ondoren, udalak Amasako herritarrei eta Aldundiari aurre-proiektuaren berri emango die. Hau izango da aspalditik datorren arazo honi irtenbidea biltzeko lehen urratsa.

IMG20200912115204

Elkartasun sarearen oinarrizko produktuen bilketa arrakastatsua

Pasa den larunbat goizean, Amasa-Villabonako Elkartasun Sareko boluntarioek, behar gehien duten herriarrei bideratuko zaizkien oinarrizko produktuen bilketa burutu zuten. Aurreko egunetan, herriko hainbat denda eta establezimenduetan kutxak ezarri ziren eta larunbatean Eroski eta BM supermerkatuen kapoaldean ezarri ziren bilketa guneak. 

Elkartasun sareko kideen lehen balorazioa oso positiboa izan zen. Ekainean egindako bilketan baino elikagai gutxiago bildu zen arren, higiene produktu gehiago bildu ziren eta Covid-19aren eraginez produktu hauek duten garrantzia kontuan izanda, herritarrek oso erantzun ona eman zutela baieztatu zuten. Ondorioz, datozen asteetan garbiketa eta higiene pertsonalerako produktu ugari banatu ahal izango dira egoera ekonomiko larria bizi duten pertsona eta familien artean.

Amaitzeko, Elkartasun Sareak eta Amasa-Villabonako udalak eskerrak eman nahi dizkie, lanean aritu diren boluntario guztiei, bere ekarpena egin duten herritarrei eta beren establezimenduan bilketa kutxa jarri zutenei. Eskerrik asko denei, beste behin gurea herri solidarioa dela frogatzeagatik.    

Bilketa herrikoia Web

Oinarrizko produktuak bilduko dira egoera ekonomiko larrian dauden herritarrak laguntzeko

Amasa-Villabonako Elkartasun Sareak, udaleko Gizarte Zerbitzuekin elkarlanean, oinarrizko produktuen bigarren bilketa herrikoia habiarazi du herrian. Egoera ekonomiko larria bizi duten horientzat lehenengo mailako produktuak biltzea da ekimen solidario honen helburua.

Atzo hasi zen ekimen hau larunbatera arte luzatuko da.

Jasoko diren produktuak
Egunerokotasunean sortzen diren beharrei aurre egiteko produktuak bildu nahi ditu Amasa-Villabonako Elkartasun Sareak, baina batez ere, oinarrizko elikagaiez gain, higiene produktuak azpimarratu nahi ditu, higiene pertsonalerako zein etxea garbitzeko produktuak.

  • Higiene produktuak: xanpua, bainurako gela, pixoihalak, konpresak, detergentea, lixiba…
  • Oinarrizko elikagaiak: olioa, lekaleak, kontserbak, pasta eta arroza, esnea, gailetak …
  • Eskola-materiala: arkatzak, boligrafoak, koadernoak, pinturak, borragomak, zorrozkailuak,…

 Irailaren 12ra arte egin daitezke ekarpenak
Atzotik martxan dagoen ekimen hau irailaren 12an amaituko da, larunbatean. Aste egunetan herriko hainbat komertziotan jarritako kutxetan utzi daitezke produktuak, eta irailaren 12an, larunbata, Eroski eta BM supermerkatu atarietan propio prestatutako guneetan egin daitezke donazioak.

Amasa-Villabonako Elkartasun Sarea
Egoera ekonomiko larria bizi dutenak eta bazterketa arriskuan dauden herritarrak laguntzeko elkartasun dinamika herritarra da Amasa-Villabonako Elkartasun Sarea. Zuk ere sare honetan boluntario bezala parte hartu nahi izanez gero, bidali email bat E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera edo deitu 627 364 521 telefono zenbakira.

Azpikategoria

Zu hemen zaude: Albiste nabarmenak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.