15Iraila2019

008.jpg
Zu hemen zaude: Albiste nabarmenak
bordak albistea

Aurrera jarraitzen dute bordetako konponketa lanek

2019an bi berregokituko dira hitzartutakoarekin betez

Amasako Auzolaneko kide zein Amasamendiko ganaduzaleekin elkartu ondoren, 4 borda konpontzea erabaki zen pairatzen zuten egoera aztertu ondoren. Behin, konpondu beharreko bordak identifikatuta plan bat eratu zen eta bertan islatzen zen moduan, bordetako 2 2018an berrituko ziren eta beste 2ak 2019an.

2018ko neguan, Lasturko eta Itxipiko bordak konpondu ziren auzolanean. Bi borda hauek berregokitzeko aurrekontua 2.395 €koa bazen ere, 1.500 € gehiago bideratu ziren ur bideak txukundu ahal izateko.

2019an bestalde, 4.000 €ko aurrekontua bideratuko da Loatzuko borda berregokitzeko eta 3.700 €ko aurrekontua eskainiko da Otarreta edo Kañoko borda konpontzeko.

calculadora

Eusko Jaurlaritzaren konpromisoa Fleming Ikastetxearekin

Arratzaingo eraikineko hobekuntza lanak finantzatuko ditu

Eusko Jaurlaritzako Hezkuntza Sailak ebazpena argitaratu du maiatzaren 29ko datarekin, eta bertan adierazten den moduan, udalaren jabetzako hezkuntza eraikinetan hobekuntza lanak egitera bideratutako laguntza ekonomiko garrantzitsuak eskainiko dira.

Olatz Aramendi, Administrazio eta Zerbitzuen Sailburuordeak sinatutako ebazpen honengatik, Eusko Jaurlaritzak, 72.683,60 €ko diru laguntza eskainiko du aurreikusita zeuden Arratzaingo hezkuntza zentroko pilotalekua estali, partzialki itxi eta parkea hobetzeko.

Maite Izagirre jarduneko alkatearentzat, akordio honekin  ondo amaitzen da 2015-2019ko legealdia, berak dioenez, “4 urte hauetan zehar, instituzioen arteko kolaborazioa gure lehentasunetako bat izan da eta hori emaitzetan nabaritu da. Gipuzkoako Foru Aldundiarekin eta Eusko Jaurlaritzarekin izandako elkarrizketa eta negoziazioek bere fruituak eman dituzte”.

ludopatia hitzaldia

Ludopatiaren inguruko hitzaldia

Maiatzaren 30ean, Ludopatiaren inguruko hitzaldia antolatu da Hernaniko Jokalari Anonimoen Elkartearekin batera arratsaldeko 19:00etan Subijana Etxean. Karmele Gurrutxaga psikologoa izango da hizlaria.  

Zu hemen zaude: Albiste nabarmenak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.

Buletinera harpidetu