14Abendua2019

005.jpg
Zu hemen zaude: Albiste nabarmenak Albisteak Euskararen eguna Amasa Villabonan

Euskararen eguna Amasa Villabonan

WEBerako kartela

Amasa-Villabonako Eskaran Ados! mahai parte hartzaileak #Hitzolariak ekimena antolatuko du aurtengo euskararen egunean. Tolosaldeko Galtzaundi euskara taldeak gure eskualdeko 28 herrietan garatuko duen ekimen honen bidez, euskarak, gure hitzkuntzak dituen hitz bereziak bildu nahi dira plazetan. 

Gurean, Malkar plaza izango da euskararen eguneko elkargunea. Bertan ezarriko da euskarazko hitzak zintzilikatzeko sarea, gpogoan izan hitzaz gain bere esanahiak ere idatzi beharko dela. Hitzak hiru motatakoak izan daitezke: Amasa-Villabonan edo inguruko herrietan soilik erabiltzen diren hitz bereziak, gizarteko sektore jakin bateko hitzak edota asmatutako hitzak baina esanahi berri bat emanda.

EGITARAUA:

  • 11:30ean Malkar plazan: Gure herriko hezkuntza eragile guztiekin batera, aurretik bakoitzak bere ikastetxean bildutako hitzak Malkar plazara eramango dituzte eta bertako sarean zintzilikatuko dira. Fleming herri eskolako, Zubimusu ikastolako eta Erniobea BHIko ikasleek, bildutako hitzak eta beren esanahiak azalduko dituzte.
  • 18:30ean Malkar plazan: Herritarren eta herriko elkarteen ekimena. Bertan, hitzak idatzi eta zintzilikatzeko gunearen inguruan bilduko dira herritarrak. Ordu betean zehar, pintxoak, Loatzo musika eskolako musikariak, Eresargi Txiki abesbatza, bertsolariak eta beste hainbat sorpresa izango dira bertan. 

Amasa-Villabonako udaletik, herritar guztiak animatu nahi ditugu ekimen honetan parte hartzera. Euskaraz bizi nahi dugulako!

 

Zu hemen zaude: Albiste nabarmenak Albisteak Euskararen eguna Amasa Villabonan
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.

Buletinera harpidetu