13Uztaila2020

009.jpg
Zu hemen zaude: Albiste nabarmenak Jai batzordeak Santio jaiak bertan behera uztea erabaki du

Jai batzordeak Santio jaiak bertan behera uztea erabaki du

IMG 9900 tokikom 700x700

2020an ez da Santio jairik izango Villabonan eta prestatuta zegoen jai egitarau osoa bertan behera geratu da. Oraindik ez da guztiz baztertzen, Santio egunean segurtasun neurri guztiak errespetatuko lituzkeen ekintzaren bat egitea, eta horiek zehazteko ekainaren bigarren hamabostaldian bilduko da berriz Jai batzordea

Atzo, maiatzak 27, bildu zen bideokonferentzia bidez Santioetako Jai Batzordea, eta elkartutako kide guztiak bat etorri ziren Santio festak egiteko baldintza egokirik ez dagoela onartzeko orduan. Uztailaren bukaeran egoerarik baikorrenean egonik ere, koronabirusa hor egongo da, eta jaietako ekintzek sortuko lituzketen jende pilaketek kutsatzeko arriskua ekar dezakete.

Hala eta guztiz ere, batzordekideek adostu zuten posible izan daitekeela, Santio egunean segur aski, jai edo kultur ekintzaren bat egitea, jende pilaketetatik aldenduz eta dagokion deseskalatze faseko segurtasun neurriak errespetatuz betiere. Horiek denak zehazteko, ekaineko bigarren hamabostaldian bilduko da berriz ere Jai Batzordea, eta bilera horretan kideek ekarritako proposamenak eta horiek aurrera eramateko segurtasun neurriak aztertuko lirateke.

Jai Batzordeko kideek atsekabea adierazi zuten, aurten Santio jaiak ospatzeko baldintza egokirik ez dagoelako, eta prest azaldu ziren, udazkenaren hasieran-edo, nolabaiteko jai programa bat antolatzeko, baldin eta horretarako egoera aproposa badugu.

 

 

Amasa-Villabonan, 2020ko maiatzaren 28an

Zu hemen zaude: Albiste nabarmenak Jai batzordeak Santio jaiak bertan behera uztea erabaki du
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.