09Abuztua2020

009.jpg
Zu hemen zaude: Albiste nabarmenak Bigarren urtez, udalak dirulaguntzak ezarri ditu haurrak Seaska haur eskolan matrikulatzen dituzten gurasoentzat

Bigarren urtez, udalak dirulaguntzak ezarri ditu haurrak Seaska haur eskolan matrikulatzen dituzten gurasoentzat

seaska eskola

2019an bezala, Amasa-Villabonako udal gobernuak Seaska haur eskolako matrikulazioak sustatzeko dirulaguntzak ezartzea jarri zuen mahai gainean pasa den uztailaren 21ean izandako Amasa-Villabonako Tokiko Gobernu Batzordeko bilkuran.

Proposamena onartua izan zen EH Bildu eta PSEko ordezkarien aldeko botoarekin eta EAJ-PNV taldearen abstentzioarekin (aldeko lau eta kontrako bozka bakarrarekin). EAJ-PNVko ordezkariak ez zuen dirulaguntza hau babestu, bere esanetan "dirusarrera handiak dituzten familiek (urtean 50.000 euroko familia errenta) haurrak zein haur eskolatan matrikulatu erabakitzeko gaitasuna izan behar dute eta familia hauek dirulaguntza jasotzea ez da bidezkoa".   

Diru laguntza honen bidez, herriko haur eskolako matrikulazio kopurua handitzea eta etorkizunean haur eskola zerbitzu publikoaren biziraupena ziurtatzea da udalak lortu nahi lukeen helburua.

Bete beharreko baldintzak

• Amasa-Vilabonan erroldatuta egotea eta bertan bizitzea.
• Haurra Seaska haur eskolan (Haurreskolak partzuengoan) matrikulatuta izatea.

Laguntza motak

Familia unitateek dituzten urteko diru-sarreren arabera 2 diru laguntza ezberdin ezartzen dira:

1. Urteko familia errenta 18.000€tik 30.000€ra: Haurreskolak partuzuergoan ordaindutako kuoten %100a ordainduko zaie, doakotasuna lortuz.
2. Urteko familia errenta 30.000€tik 50.000€ra: Bost orduko zerbitzuagatik hilean 40€. Zortzi orduko zerbitzuagatik hilean 58€.

Gogorarazi behar da urtean 18.000 eurotik beherako diru-sarrerak dituzten familiek doako zerbitzua dutela, Eusko Jaurlaritzak bideratutako laguntzaren bidez.

Amasa-Villabonako herritar guztiek haur eskola zerbitzua erabiltzeko eskubidea izatea bermatu nahi du udal gobernuak eta baliabide ekonomiko urriak dituzten familiei doakotasuna aitortzea pausu handia da norabide horretan.

Eskaerak egiteko epea: abenduaren 15arte

Eskaera eta dokumentuak aurkezteko epea, 2020ko abenduaren 15ean amaituko da, eguerdiko ordu bietan. Eskaerak Villabonako Udaletxeko Herritarren Arreta Zerbitzuko bulegoan aurkeztu beharko dira.

Aurkeztu beharreko agiriak

  • Eskatzailearen NAN, AIZ edota indarrean dagoen nortasuneko agiria.
  • Famili liburua.
  • Villabona Udalerriko Haurreskolak Partzuergoan 2020an matrikulatuta dituzten haurren matrikula egiaztagiriak.
  • 2020an ordaindu dituzten kuoten egiaztagiriak.
  • Eskatzailearen kontu korrontea eta titulartasuna adierazten duen bankuko agiria.
  • Bizikidetza unitateko kide guztien 2019. urteari dagokion Pertsona Fisikoen gaineko Errenta Aitorpena
Zu hemen zaude: Albiste nabarmenak Bigarren urtez, udalak dirulaguntzak ezarri ditu haurrak Seaska haur eskolan matrikulatzen dituzten gurasoentzat
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.