05Martxoa2021

007.jpg
Zu hemen zaude: Albiste nabarmenak Udalaren dirulaguntza berria herriko ostalaritzari, urtarrilean itxita egondako egunengatik

Udalaren dirulaguntza berria herriko ostalaritzari, urtarrilean itxita egondako egunengatik

IMG 0231 tokikom 700x700

Amasa-Villabonako udalak herriko ostalaritzari bideratutako dirulaguntza berri bat onartu du, Covid-19ari aurre egiteko prebentzio neurrien ondorioz (batipat eremu gorrian egondako asteetan establezimenduen derrigorrezko itxieraren ondorioz) sektoreak bizi duen egoera larria gainditzen laguntzeko helburuarekin.

Honakoa, herriko ostalariek jasoko duten 3. dirulaguntza zuzena izango da eta gogoan eduki behar da udalak hilabeteak daramatzala (terrazen tasaren kasuan 2020ko martxoitik ez da kobratu) establezimendu hauei zerga eta tasak murrizten edo ezabatzen. Beraz, baiezta daiteke udalak ahalegin handia egin duela, gure herrian ezinbestekoa den eta herriko kaleei bizitasuna ematen dien sektore garrantzitsu honi aurrera egiten laguntzeko.

Dirulaguntza honekin, Amasa-Villabona eremu gorrian egoteagatik taberna edo jatetxea itxita eduki behar izan den urtarrileko 17 egunen ondorioz sortutako kalteak arintzea lortu nahi du udalak.

8.556,63 euro banatu dira herriko 23 establezimenduen artean

Urtarrileko dirulaguntza berri hauen kopuruak, 2020ko azaroan emanadako dirulaguntzetan ezarritako kopuruen arabera kalkulatu dira: establezimendua itxita egondako hilabete bakoitzeko 600€, alokairua ordaintzen dutenei hilean 200€ gehiago (guztira 800€) eta okindegi-kafetegiei hilean 300€. 

Urtarrilean negozioa derrigor itxita eduki behar izan duten egun kopurua 17koa izanik, zati proportzionala kalkulatu da eta honakoak dira ostalariek jasoko dituzten kopuruak:

  • Establezimendu bakoitzak: 340€ 
  • Alokairua ordaintzen dutenek: 453,33€ 
  • Okindegi-kafetegiek:170€
  • Alokairua ordaintzen duten okindegi-kafetegiek: 283,33€  

Amasa-Villabonako 11 establezimenduk jasoko dute lehen kontzeptuko dirulaguntza (340€), bigarren kopurua (453,33€) beste 9 establezimenduk, hirugarrena (170€) establezimendu batek eta laugarrena (283,33€) bete bi establezimenduk. Horrela banatu dira udalak dirulaguntza hauetara bideratu dituen 8.556,63 euroak.

Ordainketa ofizioz egingo da, otsailaren 2an

Herriko ostalariei lan gehiagorik ez jartzeko eta dirulaguntza jasotzeko prozedura errazteko, udalak zuzenean diru transferentziak egingo ditu astearte honetan ostalarien kontu korronteetara. Horrela, ostalariek ez dute berriro ere udalean dokumentazioa aurkeztu beharko. 

Zu hemen zaude: Albiste nabarmenak Udalaren dirulaguntza berria herriko ostalaritzari, urtarrilean itxita egondako egunengatik
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.