Albisteak
- 2020 Iraila 28
Euskaraldian izena emateko epea zabalik
Amasa-Villabonako udalak Euskaraldian parte hartzeko deia egiten die herritarrei
Ireki da Euskaltzaleen Topaguneak antolatutako Euskaraldiaren bigarren edizioan izena emateko epea. Ariketa sozial erraldoi hau azaroaren 20tik abenduaren 4ra egingo da, Gehiago. Gehiagorekin. Gehiagotan lelopean, 15 egunez herritarren hizkuntza ohituretan eragitea da xedea. 16 urtetik gorako herritar orok du izena emateko aukera:
Duela bi urteko ekimenean bezala, Ahobizi edo Belarriprest rola hautatu beharko dute ariketako parte hartzaileek.
- 2020 Iraila 16
Udako baratze ederrenak aukeratzeko lehiaketa jarri du martxan Ekoguneak
Baratze Parkea Sareko “Udako baratze ederrenak” aukeratu nahi ditu Ekoguneak, eta horretarako lehiaketa berria abiarazi du sarea osatzen duten baratzezainen artean.
Parte hartzeko ezinbesteko baldintza da Baratze Parkeko baratzekidea izatea.
Lehiaketaren oinarriak hemen topatuko dituzu.
- 2020 Iraila 10
Udalak eta Behar Zana pilota elkarteak hitzarmena sinatu dute, lehiaketa ofizialetan herriko frontoiak erabili ahal izateko
Amasa-Villabonako udalak eta Behar Zana pilota elkarteak, Covid-19aren osasun zaintzarako eta Amasako eta Villabonako pilotalekuetan lehiaketak segurtasun baldintza egokietan antolatzeko, hitzarmena sinatu dute aste honetan.
Modu horretan, Behar Zana elkarteko adin eta kategoria ezberdinetako pilotari federatuek, Pilota Federazioak antolatutako lehiaketa ofizialetako partiduak jokatu ahal izango dituzte Amasa-Villabonan bertan.
