Albisteak
- 2019 Abendua 09
Olentzaroren bidea ekimen berria antolatu du udalak elkarlanean
Abenduan sartu gara eta Eguberriak gerturatzen ari dira dagoeneko. Oporraldia hartu eta opari mordoxka jasotzeko garaia; horixe da Eguberria egungo haur eta gaztetxo gehienentzat. Kontsumismoak bultzatutako irudi hori aldatu, eta Euskal Herrian Eguberriak jatorrian zuen esanahia berreskuratzen hasteko asmoz, ekimen berezia antolatzen ari dira, elkarlanean, Amasa-Villabonan.
Abenduaren 22an Olentzaroaren bidea
Abenduaren 22an, igandearekin, ibilbide berezia antolatu dute Aranerrekan barrena; Olentzaroaren Bidea. Aspaldiko euskal usadioak, ohiturak, sinesmenak, koplak edota esaera zaharrak izango dira ibilbideko ardatz nagusiak, natura eta euskal kultura ardatz hartuta.
- 2019 Abendua 09
Etxebizitzetan energia berriztagarriak ezartzeko saio praktikoa
Gipuzkoako Foru Aldundiko Ingurumen Departamenduak, Amasa-Villabonako Udalarekin elkarlanean, Gipuzkoa Argitu programaren baitan, etxebizitzetan energia berriztagarriak ezartzeko aukeren inguruan informatzeko tailerra antolatu du abenduaren 16an, 18:30etan, Subijana etxean. Tailerrean parte hartzeko abenduaren 13a baino lehen eman behar da izena.
“Energia berriztagarriak zure etxean… posible da!” tailerraren helburua, herritarrak energia berriztagarriak ezarri ahal izateko beharrezkoak diren irizpideak eta ezagupenak modu argi eta ulergarrian eskaintzea da.
- 2019 Abendua 08
Udal Gobernu Taldeak 2020ko aurrekontu proposamenaren aurkezpena egingo du Gurea zinean
Aurkezpena datorren abenduaren 11n asteazkena, 19.00etan izango da Villabonako Gurea zinean.
Aurkezpen publiko honen bidez, udal gobernu taldeak gardentasuna ariketa bat egin nahi izan du eta 2020rako osatutako aurrekontu proposamenaren xehetasunen berri eman nahi die zuzenean herritarrei. Udal gobernuko zinegotziek eta Beatriz Unzue alkateak arloz-arloko azalpenak emango dituzte, 2020. urteko aurrekontuaren xehetasun nagusiak azalduz eta aurreko urteetako aurrekontuekin alderatuta egin diren aldaketen berri emanez. Aurrekontu proposamena udaleko web orrian kontsulta daiteke bere osotasunean: www.villabona.eus helbidean.
