Albisteak
- 2020 Uztaila 06
Uztailaren 19an inguruko mendietatik ibilaldia, Aizkardiren eskutik
Amasa-Villabonako Aizkardi Mendizale Elkarteak, mendi irteera berezia antolatu du uztailaren 19rako. Martxoan egiteko zuten mendi ibilaldia bertan behera utzi behar izan zuten, baina, konfinamendua amaituta, mendi martxako ibilaldi laburra egiteko aukera eskaini nahi du elkarteak, segurtasun neurriak betez:
Villabonatik abiatu, eta Meaka (530m), Belabieta (675m), Urdelar (857m), Mugaga (685m), Olantzako Borda (656m), Ibarrolako Erreka, Kanal Handia (300m), Mandabideta (240m) eta Lastur Parkea (175m) zeharkatu ondoren,Villabonara itzuliko dira parte-hartzaileak. Honako araudia finkatu du elkarteak ibilaldia egin ahal izateko:
- 2020 Uztaila 01
Aldaketa berriak Olaederra kiroldegiko instalazioen erabileran
Olaederra kiroldegiko arduradunek, gaurtik aurrera orain arteko funtzionamenduan aldaketa batzuk ezarriko direla argitaratu dute. Era berean, kiroldegian zehar karteleri berria jarriko da erabiltzaileak jakinaren gainean egoteko.
Hau da Kiroldegiko arduradunek kaleratu duten oharra:
"Gaurtik aurrera kiroldegiko zenbait gunetan aldaketak izango ditugu:
Igerileku handian ezik, beste gune guztietan (gym kardio, gym libre, gym makinak eta igerileku txikia) ez dago mugarik erreserbak egiteko garaian.
- 2020 Ekaina 26
Aurten ez da Irrintzi elkartearen Garagardo azokarik izango
Irrintzi elkarteko bazkideek pasa den larunbatean hartu zuten erabakia. Jakina denez, azokan jende asko biltzen da eta horrek segurtasun neurriak bermatzea ezinezkoa egiten du.
"Datorren urterako indarrak hartuko ditugu bai guk, eta baita kanpotik etortzen direnek ere. Ea hurrego urtean posible den”, adierazi zuen Dorleta Aranburu Irrintziko lehendakariak.
Amasa-Villabonako udalak bere animoak helarazi nahi dizkie Irrintzi elkarteko kideei, urtero antolatzen duten eta erreferente bilakatu den ekimen hau ezin izango dutelako antolatu. Espero dugu datorren urtean Garagardo Azoka egin ahal izatea. Hori da guztion nahia.
