29Maiatza2020

007.jpg
Zu hemen zaude: Albisteak

Kategoria: Albisteak

IMG-20200529-WA0002

Astearteko azokako arropa postuak Malkar plazan

Astearte goizetako ohiko azokan arropak, oinetakoak, zapatak, alfonbrak, maindireak, poltsoak... saltzen dituzten postuen itzulera datorren asteartean izango da. Covid19aren osasun larrialdia hasi zenetik ezinezkoa izan da salmenta postu hauek ezartzea, eta jakina denez, Villabonako azokan baserriko produktuak eta elikagai ezberdinak saltzen dituzten postuak soilik mantendu ahal izan dira plazan. 

Orain, deseskalatze prozesuko II. fasean, bestelako salmenta postuak kalean ezartzea baimendu da eta beharrekoak diren segurtasun distantziak mantendu ahal izateko, postuak Malkar plazara lekualdatzea erabaki du udalak. Gehienez 9 postu ezarriko dira Malkar plazan eta postu bakoitzak 6 metroko zabalera izango du gehienez.

Elikagaien eta baserriko produktuen postuak Errebote plazan eta Berdura plazan mantenduko dira.

Kategoria: Nabarmenak

IMG 9900 tokikom 700x700

Jai batzordeak Santio jaiak bertan behera uztea erabaki du

2020an ez da Santio jairik izango Villabonan eta prestatuta zegoen jai egitarau osoa bertan behera geratu da. Oraindik ez da guztiz baztertzen, Santio egunean segurtasun neurri guztiak errespetatuko lituzkeen ekintzaren bat egitea, eta horiek zehazteko ekainaren bigarren hamabostaldian bilduko da berriz Jai batzordea

Atzo, maiatzak 27, bildu zen bideokonferentzia bidez Santioetako Jai Batzordea, eta elkartutako kide guztiak bat etorri ziren Santio festak egiteko baldintza egokirik ez dagoela onartzeko orduan. Uztailaren bukaeran egoerarik baikorrenean egonik ere, koronabirusa hor egongo da, eta jaietako ekintzek sortuko lituzketen jende pilaketek kutsatzeko arriskua ekar dezakete.

Hala eta guztiz ere, batzordekideek adostu zuten posible izan daitekeela, Santio egunean segur aski, jai edo kultur ekintzaren bat egitea, jende pilaketetatik aldenduz eta dagokion deseskalatze faseko segurtasun neurriak errespetatuz betiere. Horiek denak zehazteko, ekaineko bigarren hamabostaldian bilduko da berriz ere Jai Batzordea, eta bilera horretan kideek ekarritako proposamenak eta horiek aurrera eramateko segurtasun neurriak aztertuko lirateke.

Jai Batzordeko kideek atsekabea adierazi zuten, aurten Santio jaiak ospatzeko baldintza egokirik ez dagoelako, eta prest azaldu ziren, udazkenaren hasieran-edo, nolabaiteko jai programa bat antolatzeko, baldin eta horretarako egoera aproposa badugu.

 

 

Amasa-Villabonan, 2020ko maiatzaren 28an

Kategoria: Albisteak

diru weberako

Udalak ordaindu ditu merkatari eta ostalariei zuzendutako diru laguntzak

Amasa-Villabonako udalak bideratu ditu Covid-19aren eraginez beren jarduera guztiz edo partzialki etenda izan duten herriko merkatari eta ostalariei laguntzeko martxan jarritako diru laguntzak. Atzo egin ziren diru laguntza hauen ordainketa guztiak.

DIRU LAGUNTZEN EZAUGARRIAK:

1. Jardueraren erabateko etetea izan dutenak

Ostalaritza establezimenduak:

  • Terraza duten tabernak: 1.160 euro. Jardueraren etetea martxoaren 14tik maiatzaren 10era luzatu delako  (58 egun)
  • Terrazarik ez duten tabernak: 1.440 euro. Jardueraren etetea martxoaren 14tik maiatzaren 24era luzatu delako (72 egun)

Gehiago irakurri...

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.