16Urria2019

008.jpg
Zu hemen zaude: Albisteak

Kategoria: Albisteak

zaborra eta ura tasak

Ura eta zaborren tasak ordaintzeko diru laguntzak eskatzeko epea zabaldu da

Amasa-Villabonako Udalak uraren eta zaborren tasak ordaintzeko zailtasun ekonomikoak dituzten herritarrei zuzendutako diru-laguntzak jarri ditu martxan. Diru-laguntza hauek jasotzeko eskaera udaletxeko behe solairuan dagoen herritarren arreta zerbitzuaren bulegoan egin beharko da.

Eskaera egiteko epea datorren urriaren 11n amaituko da eguerdiko 14:00etan.

Kategoria: Nabarmenak

euskara ikasteko kartela1

Euskara ikastaroetan izena emateko epea zabalik

Irailaren 2tik 27ra euskara ikasi nahi duenak aukera izango du izena emateko Villabonako Udaletxeko Herritarren Arreta Zerbitzuan (Zuretzat bulegoan).

Maila guztietako ikastaroak eskainiko dira, goizez eta arratsaldez, Villabonan eta Zizurkilen: AISA ikastaroak etorkinentzat, A1, A2, B1, B2, C1 mailak eta gurasoentzako ikastaroak ikastetxeetan, haurrak eskolan dauden bitartean. Ikastaroak emateaz Andoaingo AEK arduratuko da.

Euskara ikastea doakoa izango da

Amasa-Villabonako Udalak jakinarazi duenez, euskara ikasi nahi duen herritarrak ikastaro bukaeran dirulaguntza jasotzeko aukera izango du. Horrela, B2 maila arte, hau da, oinarrizko komunikazio maila lortu arte, matrikularen %100 jasoko du baldintza guztiak betetzen dituen herritarrak, eta C1/C2 mailak eginez gero, %75a.

Euskara ikastaroei buruzko informazio gehiago jaso nahi izanez gero, Villabonako Udaleko Herritarren Arreta Zerbitzura dei dezakezue 943 692100 telefonora, edo Euskara Zerbitzura 3329 luzapenera. Bestela, E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera ere mezu bat bidal dezakezue.

 

Kategoria: Nabarmenak

IMG 20190820 141237 032

Oriamendi, Errota eta Arroa auzoetan ur-hornikuntza sarea eraberritzeko lanak hasi dira

Proektua Gipuzkoako Ur Kontsortzioak (Gipuzkoako Urak) burutu du, lanek guztira 20 astetako (5 hilabete) iraupena izango dute eta 390.448,85 euroko aurrekontua dute. Kontratazio lehiaketa irabazi ondoren, obra Sasoi Eraikuntzak S.L. enpresak gauzatuko ditu.

Villabonako auzo hauetako ur-hornikuntzarako hoditeria aldatu eta hodi berriak ezartzeaz gain, saneamendu sarean ere hobekuntzak egingo dira. Gaur egungo hoditeria guztiz zaharkitua dago eta ur galerak eta beste hainbat arazo sortu dira, beraz, eraberritze lan hauek erabat beharrezkoak dira. Guztira 1.473 metroko luzerako hoditeria aldatuko da.

Dagoeneko Legarreta (Sacem-go) zubian egin beharreko lanak bukatu dira, zubi horretan egiten ari diren zabaltze lanak baliatuta.

Obra edo lan hauek, saihestezinak izango diren hainbat traba eta arazo sortuko dituzte, izan ere zanja edo lubakiak egin beharko baitira aipatutako hiru auzoetan. Gehienbat errepide alboko espaloietan egingo dira lubakiak eta espaloi hauen zabalera handia dela eta, arazoak ez dira horren larriak izango.

Udala etengabeko harremanetan dago Gipuzkoako Urak-eko arduradunekin eta lan honen gidaritzarekin, beti ere, ahal dugun neurrian herritarrei eragingo dieten traba edo arazoak murrizteko helburuarekin.

Proiektuari buruzko informazio osoa HEMEN: https://www.gipuzkoakour.eus/proveedores_login/Obra_detalle.aspx?Codigo_Obra=%2090129073&proyecto_id=5481&Tipo=0

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.

Buletinera harpidetu