14Uztaila2020

011.jpg
Zu hemen zaude: Albisteak

Kategoria: Albisteak

parkea malkar web

Haur parkeak larunbatean zabalduko dira

Udal garbiketa zerbitzuak gaur desinfektatu ditu Amasa-Villabonako haur parke guztiak eta alarma egoeraren indarraldia amaitu izanak parke hauek zabaltzeko aukera ematen duenez, udalak haur parkeak berriro ere zabaltzea erabaki du. 

Beraz, larunbat honetan (ekainaren 20an) berriro ere haur parkeak erabili ahal izango dituzte herriko txikiek.  

Hemendik aurrera udal garbitzaileek gutxienez astean bitan garbitu edota desinfektatuko dituzte parkeak, gune hauek seguruak izan daitezen haur eta familientzat. 

Kategoria: Nabarmenak

Komizar parkea GAUR

Komizar parkea zabor eta hondakinekin zikintzen dela ikusita, udalak kontrol neurriak hartu behar izan ditu

Azken aldian Komizar parkeko hainbat erabiltzaileren jokabide zikin eta arduragabea dela medio, egun ugaritan hondakin eta zikinkeria ugari bota eta sakabanatu da. Honen ondorioz, udaleko garbiketa zerbitzuek lan handia egin behar izaten dute ingurunea garbi mantentzeko.

Egoera hau behin eta berriro errepikatzen dela egiaztatuta, udalak ondorengo kontrol neurriak ezartzea erabaki du:

  • Komizar parkeko mahaiak zenbakitu egin dira, mahai bakoitzak bere zebakia izango duelarik.
  • Udaltzaingoko agenteak bertara joango dira eta mahai bakoitzeko arduradun bat identifikatuko dute. Ondoren, ordu batzuk igarota, udaltzainak berriro joango dira parkera, egoera ikuskatzera.
  • Mahai horretan edo inguruan zikinkeria edo hondakinak antzematen badira, dagokion isuna ezarriko zaio identifikatua izan den pertsonari.

Udaltzaingoak mahai bakoitzean karteltxoak ezarri ditu neurri hauen berri emateko. Honen ondoren hondakinen arazoa ez bada konpontzen, udalak ez du baztertzen neurri zorrotzagoak ezartzea eta parkera kotxez igotzea galeraztea.

Bestalde, gogorarazi behar da debekatuta dagoela sua egitea horretarako ezarritako parriletatik kanpo. Izan ere, behin baino gehiagotan ikusi da sua lurrean egin dela.

Udalak arduraz jokatzeko deia egin nahi die Komizarko eta ingurune naturaletan kokatutako beste espazio publikoetako erabiltzaileei. Inguru naturala errespetatu eta zaindu behar da, sortzen diren hondakinak jasoz eta edukiontziak erabiliz. 

Kategoria: Albisteak

amavi postontzia web

Herritarrek iritziak, iradokizunak, kexak, hausnarketak... argitaratzeko aukera izango dute AMAVI aldizkarian

Zuk ere baduzu zer esana!

Uztailetik aurrera, “Postontzia” atal berria izango du AMAVI aldizkariak.

Bertan, Amasa-Villabonako herritarren iritziak, iradokizunak, kexak, erreplikak… argitaratu daitezke, beti ere, errespetuz egiten badira. Ez dira irainak, debaldeko salaketak eta difamazioak onartuko.  Beraz, bertan parte hartu nahi baduzu, bidali, gehienez ere, 750 karaktereko gutuna E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera, eta uztaileko AMAVI aldizkarian argitaratuko dugu.

Ezinbestekoa da zure izen abizenak bidaltzea, NAN zenbakiarekin batera. Anonimoak ez dira argitaratuko.

Udalak jasotako hizkuntzan argitaratuko ditu gutunak, ez du testuen itzulpenik egingo eta ez ditu bere gain hartuko atal honetan esandakoak.

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.