16Urtarrila2021

011.jpg
Zu hemen zaude: Albisteak

Kategoria: Nabarmenak

Foto 6web

Eskailera berriak Olaederra kiroldegiko kantxan

Udalak kiroldegiko kantxarako eskailera berriak erosi ditu, larrialdi irteeren arazoa konpondu eta harmailetako edukiera handitzeko

Amasa-Villabonako udalak inbertsio berri bat gauzatu du Olaederra Kiroldegiko kantxan zeuden hainbat arazori aurre egiteko. Izan ere, orain arte kantxako harmailetako larrialdi irteerek dituzten ezaugarriak kontuan izanik, instalakuntzaren ebakuazio planak harmailen edukiera 160 pertsonara murriztu zuen, nahiz eta bertan ia 500 eserleku egon. Egoera honek, Kiroldegiko kantxan egin daitezkeen ekitaldi edo emanaldietarako muga handia suposatzen zuen. Inbertsio honek arazo honi irtenbidea eman dio eta hemendik aurrera, harmailak bere osotasunean erabili ahal izango dira.

Ikusleen ebakuaziorako lau eskailera berri 

Inbertsio honen bidez udalak lau eskailera erosi eta ezarri ditu, harmailak eta kantxa konektatuz. Horrela, ikusleek harmailetatik kantxara jaisteko aukera izango dute, kantxan aurkitzen diren larrialdi irteeretara heldu ahal izateko.

Eskaileren azalpen teknikoa: Hormigoizko harmaila aurrealdetik husteko neurrira egindako eskailera-unitatea. Zortzi altuerako eskailerak (sei maila gehi dekansiloa). Profil angeluzuzenean eginak 100x60x2mm, tramex-mailak, hodi karratuko baranda sinplea, profil angeluarreko gidak hegalkin-sabaian, lurzorura finkatzeko pasagailuak, akabera inprimazio sintetikoan. Publikoa ebakuatzeko orientazioa albokoa izango da, eta sistema osoa jasota geratuko da harmaila azpiko zuloan erabiltzen ez denean.

14.115,65 euroko inbertsioa

Guztira 12.995,40 euroko (BEZ barne) inbertsioa egin du udalak eskilara hauek diseinatu eta erosteko eta beste 1.120,46 euro (BEZ barne) bideratu ditu orain arte harmeiletan zeuden barandilen egokitzapena egiteko. Eskailerak Hobby Kirolak S.L. enpresak diseinatu eta ezarri ditu.

Kategoria: Albisteak

IMG20201125120230

Indarkeria matxistaren kontrako matazak zintzilikatu dira udaletxeko balkoietan

Gaur, azaroaren 25a, emakumeen aurkako indarkeria desagartzeko nazioarteko eguna da. Hori dela eta, Amasa-Villabonako udalak ekimen xume bat burutu du eguerdian Erreboteko plazan. Indarkeria matxistaren kontra jositako matazak udaletxeko balkoietan zintzilikatu dituzte gure herrian bizi diren jatorri ezberdinetako emakumeek, udal langileen eta udaleko ordezkari politikoek. 

Ondoren, Beatriz Unzue alkateak, Amasa-Villabonako udalbatzak atzo onartu zuen Erakunde Adierazpena publikoki irakurri du. Amaitzeko, gaur 19:00etan Zubimusu zubian Mugimendu Feministak antolatutako elkarretaratzean parte hartzeko gonbidapena egin du Unzuek.

Kategoria: Nabarmenak

puntu morea2

Udalaren Adierazpena, indarkeria matxistaren kontrako nazioarteko egunean

Atzo arratsaldean izandako osoko bilkuran, Amasa-Villabonako Udalbatzak Adierazpen Instituzionala onartu zuen alderdi politiko guztien babesarekin eta aho batez. EH Bildu, EAJ-PNV eta PSE alderdiek adierazpen bateratu eta adostua aurkeztu zuten eta talde politikoetako bozeramaileek atzo Donostian izandako azken indarkeria matxista kasua gaitzetsi zuten.

Honakoa da Amasa-Villabonako udalak gaur argitartatu duen Adierazpena:

ERAKUNDE ADIERAZPENA, AZAROAK 25: EMAKUMEEN AURKAKO INDARKERIA EZABATZEKO EGUNA DELA ETA

COVID-19ren pandemiak gure bizitza eta komunitateak kolokan jarri ditu, pertsona guztien osasunari, segurtasunari, ongizateari eta komunitate-bizitzari erronka handia jarriz. Mundua ulertzeko eta bertan egoteko dugun modua aldatzen ari da. Konfinamenduak, mugimendu-murrizketek eta harreman-mugek agerian utzi dituzte, beren gordintasun osoz, indarkeria matxista mota desberdinei aurre egiten ari diren emakumeen egoera oso ahulak.

Krisi-testuinguru guztiak, pandemia honekin gertatzen den bezala, indarkeria matxista, ugaltzeko, biderkatzeko eta ugaritzeko haztegi bat dira. Indarkeria hori botere-harreman desorekatuen eta emakumeen aurkako diskriminazioaren adierazpen bat da, eta pairatzen ari garen krisi sanitario, sozial eta ekonomikoaren ondorioz larriagotu egiten dira.

Pandemiak sortutako egoeran, arreta jarri behar dugu beren etxeetan, lanetan eta bizi-espazioetan bizirik irauteagatik indarkeriari aurre egiten ari diren emakume eta neskengan. Gizartearen aitorpen eta elkartasun osoa merezi dute. Testuinguru horretan, isolamendua, babesgabetasuna eta ikusezintasuna saihesteko baldintza egokiak sortzeko lanean jarraitu behar dugu. Horregatik, aurten Euskal Herrian hildako lau emakumeak gogoratu nahi ditugu bereziki gaur, bi EAEn eta beste bi Iparraldean. Errealitate mingarri horrek gizarte gisa interpelatu egiten gaitu, lanean jarraitzeko eta mobilizatzeko konpromisoa hartzeko, horrela gerta ez dadin.

Hala ere, horrekin EZ DA NAHIKOA. Konpromiso politiko argia behar dugu, gizarteak erakundeei eskatzen baitie emakumeen aurkako indarkeria matxista lehentasun politiko bihur dezatela. Inoiz ez bezala zerbitzu publikoen eta erakundeen laguntza eta baliabide guztiak izateko, emakumeei beren askapen-, berreskuratze-, ahalduntze- eta autonomia-prozesuetan laguntzeko garaia da. Ezinbestekoa da emakumeek duintasunez eta segurtasunez bizitzea merezi duen bizitzarako oinarrizko eskubidea berreskura dezaten. Behar-beharrezko baldintza da, gainera, gure herriak eta hiriak bizikidetza seguru, solidario eta berdinzalerako gune gisa indartu daitezen.

Herritarrengandik hurbil gaudenez, euskal udalok ahotsa jarri nahi diogu gure udalerriek emakumeekiko eta indarkeria matxistaren beste biktima batzuekiko duten elkartasunari. Gure erantzukizuna gure gain hartzen dugu, erakunde, kolektibo feminista eta emakumeen kolektibo, aditu eta gizarteko eragile guztiekin lankidetzan eta koordinatuta.

Horregatik guztiagatik, Amasa-Villabona Udalak konpromiso hau hartzen du:

  • Indarkeria matxistaren biktima diren emakumeen eskubideak arreta-prozesu osoaren erdigunean jartzea, haien beharrak eta eskaerak entzun eta aintzat hartuta, babeserako, arretarako, erreparaziorako eta berriz ez gertatzeko bermerako eskubidea bermatuko duten politika berriak diseinatzeko.
  • Behaketa hobetzea, indarkeria-egoeretan dauden emakumeen forma eta profil berriak hautemateko eta horien aurrean azkar jarduteko.
  • Indarkeria matxistaren edozein formari aurre egiten dioten emakumeentzako arreta- eta laguntza-zerbitzuak mantentzea, hobetzea eta egokitzea, ikuspegi konpontzailearekin, erakunde bakoitzaren eskumenen esparruan.
  • Emakumeen ahalduntzeari eta Gazteen artean indarkeriaren prebentzioari laguntzeko programak bultzatzea, etorkizuneko indarkeria-egoerak eragozteko funtsezko tresnak diren aldetik.
  • Tokiko bizitzan berdintasun-programak zaintzea eta egonkortzea, emakume-kolektibo batzuen egoera ahulak areagotzeko desberdintasunak areagotzearen aurka borrokatzeko.
  • COVID19ren krisiak emakumeen pobretzean eta kalteberatasunean duen eragina aztertzea, laguntza-jarduera espezifikoak diseinatu ahal izateko.
  • Genero-ikuspegia txertatzea enplegu-galerak, diru-sarrerak eta krisiaren beste eragin negatibo batzuk arintzeko neurrietan, zeinak eragin handiagoa izan duten emakumeengan, eta oztopo diren indarkeria matxistako egoeretatik ateratzeko.
  • Erakundeen, udalen, foru-aldundien eta Eusko Jaurlaritzaren arteko lankidetza eta koordinazioa eskatzea, baliabideak bermatzeko eta beharrezko ekimen guztiak abian jartzeko, beren eskumenen esparruan.

Halaber, gure bizilagunei dei egiten diegu mugimendu feministak Emakumeen aurkako Indarkeria Ezabatzeko eguna dela-eta deitutako mobilizazioei atxikitzeko.

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.