16Urria2019

007.jpg
Zu hemen zaude: Albisteak

Kategoria: Nabarmenak

MINTZALAGUNA2web

Mintzalaguna egitasmoan izena emateko aukera

MINTZALAGUNA: ERABILERAN ERAGITEKO MODU ZUZENA

TU-tik GU-ra:

Euskal Herrian badugu mundu bat guztiok partekatzen duguna, euskararena. Euskal hiztun izan ala ez, euskara usaintzen dugu, entzuten, ikusten, arnasten... Eta gero eta euskaldun gehiagok egiten dugu euskaraz bizitzeko aukera.

Ikasturte berriarekin batera mila eta bat aukera ditugu esploratzeko zain, eta euskararen mundu magikoa ere horietako bat izatea nahi dugu. Dagoeneko ezagunak dira Mintzalagun egitasmoak: euskaraz hitz egiteko espazioak dira, astean behin elkartu eta ordubetez euskaraz aritzeko saioak, nahierara moldatu daitezkeenak, aisialdiari eta eguneroko martxari egokitutakoak, erabat doakoak.

Hauxe da Euskaltzaleen Topagunea elkarteak argitaratu duen Mintzalaguna egitasmoaren bideoa: https://www.youtube.com/watch?v=ij0Rv6s0Hsw&feature=youtu.be

Hortaz, zalantzan dabilenak ez dezala bitan pentsatu: Mintzalaguna hizketaldi bat baino gehiago da, euskal munduaren alde egiteko ariketa da. Euskaraz dakienak leiho bat irekitzen baitio euskara ikasi/praktikatu nahi duenari, mundu bat zabaltzen dio... eta alderantziz ere bai.

Harreman berriak egiteko bidea ere bada, teoriatik eta erabilera akademikotik libre, praktikara bideratua. Hitz gutxitan: erabileran eragiteko modu zuzena eta praktikoa

Horregatik herritar guztiak gonbidatu nahi ditugu euskaraz bizitzera, norbere lotsak alde batera utzi eta egitasmo honetan parte hartzera.

Egin jauzi tu-tik gu-ra, eta ongi etorri mintzalagunon mundura!

Izen-ematea eta informazioa: E-mail hau spam roboten kontra babestuta dago. JavaScript aktibatuta izatea behar duzu hau ikusteko.

Kategoria: Nabarmenak

 MG 2358 tokikom 700x700

Mugikortasun astea ospatzen ari dira Aiztondoko Udalak eta ikastetxeak


Irailaren 22an autorik gabeko eguna

Autorik gabeko eguna irailaren 22an izango da, eta ideia horri jarraiki, Aduna, Zizurkil eta Amasa-Villabona batzen dituen errepide zatiak moztuko dira motordun ibilgailuentzat ostiralean ordu batzuetan; horiek sortzen dituzten arazoez ohartarazteko.

Aste honetan, irailaren 16tik 22ra, mugikortasun iraunkorraren astea ari dira ospatzen Europan, eta aldarri horrekin bat egin dute Amasa-Villabonako, Zizurkilgo eta Adunako Udalek nahiz ikastetxeak. Europar Batasunak aurtengo ediziorako pentsatu duen lema "Oinez eta bizikletaz segurtasunez ibili da". Lema horren baitan, ostiralean mugikortasun festan hartuko dute parte ikasleek joku ezberdinak eginez. Festa Amasa-Villabona eta Zizurkil batzen dituen Zubimusu zubian izango da 10:30etatik 12:00etara.

Garbiñe Mendizabal Tolosaldea Garatzeneko Udal Saileko arduradunak azaldu duenez, "2.000. urteaz geroztik eskualdean bat egiten dugu mundu mailan antolatzen den mugikortasun iraunkorraren astearekin. Beste mugikortasun ohitura batzuk aldarrikatzen dira mundu mailan, hala nola ibilgailu pribatuak alde batera utzi edota horiek sortzen dituzten arazoak ohartarazteko sentsibilizazio astea izaten da". Mugikortasun jasangarriaren inguruan sustapen politikak aurrera eramaten dituztela gehitu du, esaterako, garraio publikoa hobetzeko Gipuzkoako Foru Aldundiarekin eta udalekin batera edota landa eta hiri eremuetan oinezkoentako eta bizikletentzako bide egokiagoak erabiliz.

Trafiko mozketa

Mugikortasun festa hasi eta amaitu bitartean, trafikoa moztuko da motordun ibilgailuentzako, zehazki 09:30etatik 12:00etara. Oinezkoek nahiz bizikletan doazenek soilik ahalko dute errepidea erabili, baita baimenduetako ibilgailuek ere.

Festaren antolatzaileak Adunako, Zizurkilgo eta Amasa-Villabonako Udalak eta ikastetxeak, Tolosaldea Garapen Agentzia eta Gipuzkoako Foru Aldundia dira, eta sentsibilzazio kanpainarekin bat egitera animatu nahi dituzte herritarrak.

Kategoria: Albisteak

facebook 1568390591992

Adineko pertsonen 35. astea antolatu du Salbadora Jubilatu Etxeak

Irailaren 16tik 22ra luzatuko da aurtengo adineko pertsonen astea eta ekintzaz beteriko egitaraua osatu dute Salbadora Jubilatu Etxeko arduradunek. Karta-jokoak, Marmitako txapelketa, toka txapelketa, txistorra jatea, jubilatuen bazkaria, Eresargi abesbatzaren emanaldia eta beste hainbat ekintza izango dira aste osoan zehar.

Egin Klik gainean egitaraua ikusteko:

 

jubilatuen astea

 

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.

Buletinera harpidetu