- 2021 Ekaina 23
Udalak 16.000 euro bideratuko ditu El Salvadorreko Jocoaitique herriak ur hornidura izan dezan
Atzo izandako Amasa-Villabonako Tokiko Gobernu Batzordean aho batez onartu zen Villabonako udalaren eta Euskal Fondoaren arteko lankidetza hitzarmena.
Hitzarmen honen bidez, Udalak 16.314,39 € bideratuko dizkio Euskal Fondoari, honek El Salvadorreko Morazaneko Iparraldean kokatzen den Jocoaitique herrian uraren hornidura eta saneamendua hobetzeko proiektua finantzatzatu dezan.
- 2021 Ekaina 23
Euskara ikasleentzako dirulaguntzen eskaera uztailaren 9ra arte
Udaleko Euskara sailak euskaltegietan eta barnetegietan euskara ikasten egon diren herritarrentzat, dirulaguntza eskaera aurkezteko epea ireki du.
Eskaera aurkeztu nahi duenak, eskaera inprimakia bete eta bertan zehazten diren agiriekin batera aurkeztu:
- Interesatuaren nortasun agiria.
- Euskaltegiaren ziurtagiria honakoak jasoz:
- Eskatzailearen maila hasieran eta bukaeran.
- Asistentzia ehunekotan.
- Matrikularen zenbatekoa
- 2021 Ekaina 22
Uztailaren 5ean amaituko da OHZ zerga (IBI) borondatez ordaintzeko epea
Udaleko Ogasun sailak gogorarazi nahi du 2021eko Hiri eta Landalur-Ondasunen gaineko zergak (OHZ) borondatez ordaintzeko epea, uztailaren 5ean amaituko dela.
Hori horrela, zerga hauek helbideratuta dituzten zergadunei, borondatezko epearen azken egunean, hau da, uztailaren 5ean, kobratuko zaizkie beraiek esandako kontutik.
Kontuan izan behar da, behin data hau gaindituta ordaintzen duten herritarrek %5eko errekargua izango dutela. Udalak, dena den, aldez aurretik gutun bat helaraziko die herritar hauei.
- 2021 Ekaina 21
Atzerritartasun tramiteei buruzko saio informatiboa
Amasa-Villabonako Udalak, Tolosaldea Garatzeneko Aniztasun Sailarekin batera, atzerritartasun izapideei buruzko hitzaldi informatiboa antolatu du asteazken honetan 18:00etan Villabonako Subijana etxean.
Atzerritartasun paperen tramiteari buruzko hitzaldi praktikoa izango da: lan munduan errotzea, gizartean errotzea, familia berrelkartzea, ikasketengatik egonaldia egitea, atzerritarrak kontratatzea, baimenak berritzea…Eusko Jaurlaritzako Aholku Sareko Nora Ugarteburuk bideratuko du saioa.
Saio hauek jatorri anitzeko pertsonei zuzenduta daude, baita nazionalei eta atzerritar pertsonekin loturak (familiakoak, lanekoak, etab.) dituzten pertsonei ere.
- 2021 Ekaina 17
Udalak Amasara doan errepidea zabaldu eta espaloia jartzeko proiektua aurkeztu du Foru Aldundian
Amasa-Villabonako udalak urratsak ematen jarraitzen du Villabona eta Amasa lotzen dituen GI-3751 errepidearen egoera hobetzeko.
Gaur egun errepide horrek dituen baldintzak ez dira batere egokiak eta arrisku nabarmena suposatzen du bai autoen trafikoarentzat eta baita errepide ondotik igarotzen diren oinezkoentzat ere. Hau ikusita, Amasako hainbat bizilagun elkartu ziren eta udalari errepidea zabaltzeko eta oinezkoentzat espaloi bat eraikitzeko neurriak hartzea eskatu zioten 2020ko otsailean. Eskaera jaso ondoren, 2020ko martxoan Amasa-Villabonako udalbatzak Erakunde Adierazpena onartu zuen aho batez.
- 2021 Ekaina 17
UEMAren “Bertatik bertara” kanpainaren mahaigainekoak banatuko dira ostalaritza establezimenduetan
Irailaren erdialdera arte izango da "Bertatik bertara" kanpaina, bisitariak zein bisitariekin harremana duten zerbitzu sektoreko arduradunak eta langileak euskara aintzat hartzera gonbidatzeko. Horretarako hainbat baliabide eskainiko ditu UEMAk, eta, besteak beste, iaz bezala, 300.000 mahai-gaineko inguru banatuko ditu ostalarien artean. Aurten ere, dozenaka udalek eta hainbat garapen agentziak egingo dute bat kanpainarekin.
Merkatariak eta ostalariak sentsibilizatzeko sortutako bideoan, zehazki, UEMAk, Eusko Jaurlaritzak eta Nafarroako Gobernuak udaberrian landu duten Arnasa Gara kanpainaren baitako Euskara da gure postalik ederrena bideoa erabili dute.
