- 2021 Ekaina 21
Atzerritartasun tramiteei buruzko saio informatiboa
Amasa-Villabonako Udalak, Tolosaldea Garatzeneko Aniztasun Sailarekin batera, atzerritartasun izapideei buruzko hitzaldi informatiboa antolatu du asteazken honetan 18:00etan Villabonako Subijana etxean.
Atzerritartasun paperen tramiteari buruzko hitzaldi praktikoa izango da: lan munduan errotzea, gizartean errotzea, familia berrelkartzea, ikasketengatik egonaldia egitea, atzerritarrak kontratatzea, baimenak berritzea…Eusko Jaurlaritzako Aholku Sareko Nora Ugarteburuk bideratuko du saioa.
Saio hauek jatorri anitzeko pertsonei zuzenduta daude, baita nazionalei eta atzerritar pertsonekin loturak (familiakoak, lanekoak, etab.) dituzten pertsonei ere.
- 2021 Ekaina 17
Udalak Amasara doan errepidea zabaldu eta espaloia jartzeko proiektua aurkeztu du Foru Aldundian
Amasa-Villabonako udalak urratsak ematen jarraitzen du Villabona eta Amasa lotzen dituen GI-3751 errepidearen egoera hobetzeko.
Gaur egun errepide horrek dituen baldintzak ez dira batere egokiak eta arrisku nabarmena suposatzen du bai autoen trafikoarentzat eta baita errepide ondotik igarotzen diren oinezkoentzat ere. Hau ikusita, Amasako hainbat bizilagun elkartu ziren eta udalari errepidea zabaltzeko eta oinezkoentzat espaloi bat eraikitzeko neurriak hartzea eskatu zioten 2020ko otsailean. Eskaera jaso ondoren, 2020ko martxoan Amasa-Villabonako udalbatzak Erakunde Adierazpena onartu zuen aho batez.
- 2021 Ekaina 17
UEMAren “Bertatik bertara” kanpainaren mahaigainekoak banatuko dira ostalaritza establezimenduetan
Irailaren erdialdera arte izango da "Bertatik bertara" kanpaina, bisitariak zein bisitariekin harremana duten zerbitzu sektoreko arduradunak eta langileak euskara aintzat hartzera gonbidatzeko. Horretarako hainbat baliabide eskainiko ditu UEMAk, eta, besteak beste, iaz bezala, 300.000 mahai-gaineko inguru banatuko ditu ostalarien artean. Aurten ere, dozenaka udalek eta hainbat garapen agentziak egingo dute bat kanpainarekin.
Merkatariak eta ostalariak sentsibilizatzeko sortutako bideoan, zehazki, UEMAk, Eusko Jaurlaritzak eta Nafarroako Gobernuak udaberrian landu duten Arnasa Gara kanpainaren baitako Euskara da gure postalik ederrena bideoa erabili dute.
- 2021 Ekaina 15
Bueltan da Landalab proiektua Amasan
Udalak herriko adinekoen arreta indartzen jarraitzen du, eta, horretarako, Landalab proiektua jarri du berriro ere martxan, bakarrik dauden adinekoak hauteman eta babesteko. Proiektu hau 2018an jarri zen abian, Agintzari S.Coop. enpresarekin lankidetzan.
Urte horretan bertan, Udalak azterketa-diagnostiko baten gauzatzea bultzatu zuen; eta azterketa horren bidez, bakardadeak Amasako 65 urtetik gorakoengan duen eraginaren informazioa lortu zuen.
Azterlanak tresna teknologiko berriak eskaini zizkion Udaleko Gizarte Zerbitzuen sailari, batetik, egoera zaurgarrian dauden edadekoen informazioa eskuratu zuen, eta, bestetik, udalerriko baliabide formalak eta informalak aztertu zituen. Era berean, funtsezkoak diren eragileak ere identifikatu zituen, "Auzozainak", alegia. Gizarte-zerbitzuekin lankidetzan aritu daitezke eragile hauek, adinekoen zaurgarritasun egoerak ikusaraziz.
- 2021 Ekaina 11
KZGuneak uztailean doan eskainiko dituen hitzaldien programazioa
KZgunean zuzeneko hitzaldiekin jarraitzen dute YouTube KZguneaTIC kanalaren bidez. Astero IKTei buruzko hitzaldi berriak izaten dira, euskaraz eta gaztelaniaz. 30 minutuko iraupena du hitzaldi bakoitzak.
Zuzeneko hitzaldietan parte hartzeko interesa dutenek Interneterako konexioa baino ez dute behar, YouTubeko ekitaldirako sarrera librea baita (ez da beharrezkoa aldez aurretik izena ematea).
Gogoratu, gainera, hitzaldi guztiak KZGunearen YouTubeko kanalean grabatuta geratzen direla, nahi duzunean ikusteko.
- 2021 Ekaina 10
Margoketa lan bereziak Olaederra eta Amasako udal pilotalekuetan
Udalak margoketa lanak egin ditu Amasako udal pilotalekuan eta Olaederra kiroldegiko udal pilotalekuan. Margoketa hauen bidez, pilotaleku hauen izenak eta eraikitze-urteak ikus daitezke ezker paretetan eta horrekin batera Amasa-Villabonako eta Euskal Herriko harmarriak ere ezarri dira, gure herriaren nortasun ikur nagusi gisa.
Lan hau Tolosako Alustiza margolariak enpresak egin du eta udalak guztira 1.800 euro (+BEZ) ordaindu ditu (Amasako margoketa 975€ eta Olaederrakoa 825€). Hau, udaleko kirol sailak 2020. urterako zuen aurrekontutik soberan geratutakoarekin ordaindu da (Covid-19aren ondorioz 2020an ezin izan baitziren hainbat kirol ekintza garatu).
Argazkiak:
