23Iraila2021

009.jpg

Nabarmenak

Nabarmenak

 

Tolosaldea garatzen


 HONDAKINEN BILKETA

Datuak kontsultatzeko klikatu hemen 

HPONDAKINAK WEB


   COVID-19: GOMENDIOEN GIDA

 GOMENDIOEN gida eusk page-0001


INDARKERIA MATXISTARI AURRE EGITEKO

GIDA PRAKTIKOA Ez zaude bakarrik BANNER

bulegoa

Ordutegia: 

Ostirala: 09:00 - 14:00

Hitzordua aurrez eskatu behar da

COVID-19aren osasun larrialdia dela eta, kontsumitzaileen egoera eta arazo ohikoenen informazioa:

DESKARGATU

ALBISTEAK

Villabona komertzioa

Herriko establezimenduetan euskara sustatzeko lanketa Udalak eta Galtzaundik

Aurten ere, Udalak Galtzaundi Euskara Taldearekin elkarlanean herriko establezimenduetan euskara indartzeko egitasmoa jarriko du martxan. Ekainetik aurrera, Galtzaundiko teknikari batek merkataritza eta ostalaritza establezimenduak bisitatuko ditu euskarazko eskaintza eginez eta saltokiak ekimenean parte hartzera animatuz.
Bisita hauetan, euskarazko eskaintzaren berri emateaz gain (kartelak, arlokako hiztegiak, errotulaziorako laguntzak…), aurtengoan, Bertatik bertara egitasmoaz, sare sozialen erabilerari buruzko ikerketaz eta QR bidezko karta digitalez ere arituko zaie.
Bisitak egin, ondorengo materiala banatu eta bukaerako txostena egiteko, Udalak 5.000 euro ordainduko dizkio Galtzaundi Euskara Taldeari.

Guretzako web

Jatorri ezberdineko emakumeen topaketa

Jatorri kultural ezberdineko emakumeen arteko aisialdi, babes eta elkartasun gune batean parte hartu nahi duten emakumeek, astelehen honetan, ekainaren 7an, “GURETZAKO” topaketan parte hartzeko aukera izango dute. Udaletxeko balioanitzeko gelan izango da, goizeko 10:00etan.

"Guretzako" programa Amasa-Villabonako jatorri ezberdineko emakumeak bildu nahi ditu, ongi etorria eman eta elkar ezagutzeaz gain, elkarren artean harremanak sortu ahal izateko.

Noiz: ekainak 7, astelehena
Ordua: goizeko 10:00etan
Tokia: Udaleko erabilera anitzeko gela
Harremanetarako telefonoa: 646 057 080

Udaleko Gizarte Zerbitzuen Sailak topaketa honetan parte hartzera animatu nahi ditu jatorri ezberdineko emakumeekin harreman berriak sortzeko interesa duten emakume guztiak.

Bake epailea web

Udala Villabonako Bake Epailea eta haren ordezkoa aukeratzeko espedientea bideratzen ari da

Mugapenaren eta Antolaketa Judizialaren Legeak, Botere Judizialaren Lege Organikoak eta Bake Epaileen ekainaren 7ko 3/1995 Araudiak xedatzen dutenarekin bat, Udal hau Villabonako Bake Epailea eta haren ordezkoa aukeratzeko espedientea bideratzen ari da.

Horretarako, interesatu guztiek dagokion eskaera aurkeztu ahal izango dute Udal honetako Herritarren Arreta Zerbitzuan (Zuretzat) edo era telematikoan datorren 2021eko ekainaren 24a arte.

Izendapena 4 urterako egingo da.

Bete beharreko baldintzak

  • Nazionalitate espainiarra
  • Adinez nagusia
  • Botere Judizialaren Lege Organikoko 102, 302 eta 303 artikuluek kargu judizialak betetzeko aurreikusten dituzten bateraezintasun edo ezintasun ziorik ez edukitzea.

Gehiago irakurri...

37228512

Olaederra kiroldegiaren udako kanpaina

Pasa den urtean ez bezala, udako kanpaina garatuko du aurten Villabonako Olaederra kiroldegiak eta ekainaren 7tik aurrera izena emateko aukera izango da. Covid-19aren aurkako segurtasun neurri bereziak ezarri dira, jarduerak ekainaren 28tik aurrera hasiko dira eta eskaintza zabala dago aukeratzeko: 

Helduentzat: Aquagym, Running, Procircuit, Zumba, Igeriketa, Clycling, Master Class eta Pilates. Haur eta gazteentzat:Clycling, Zumba, Triatloia (Uda-Tri), Areto futboleko kanpusa, Igeriketa, Kirol ludoteka, Irristaketa eta Txikien kirol txokoa. 

Informazio gehiago: 943 694322 telefonoan, kiroldegiko harreran edo E-mail hau spam roboten kontra babestuta dago. JavaScript aktibatuta izatea behar duzu hau ikusteko. emailera idatziz.

Informazio taulak hemen:

HELDUAK 

HAUR ETA GAZTEAK 

IZEN EMATEAK ETA DATAK

Bilketa herrikoia - ekainak 5 web

Elkartasun sareak oinarrizko produktuak bilduko ditu asteburuan

Amasa-Villabonako Elkartasun Sareak, udaleko Gizarte Zerbitzuekin elkarlanean, oinarrizko produktuen bilketa herrikoia egingo du asteburu honetan. Egoera ekonomiko larria bizi duten horientzat lehenengo mailako produktuak biltzea da ekimen solidario honen helburua.

Bilduko diren produktuak
Egunerokotasunean sortzen diren beharrei aurre egiteko produktuak bilduko ditu Amasa-Villabonako Elkartasun Sareak, baina batez ere, oinarrizko elikagaiez gain, higiene produktuak azpimarratu nahi ditu, higiene pertsonalerako zein etxea garbitzeko produktuak.

  • Higiene produktuak: xanpua, bainurako gela, pixoihalak, konpresak, detergentea, lixiba…
  • Oinarrizko elikagaiak: olioa, atuna, arroza, esnea, gailetak, cola cao …

Ostiralean herriko dendetan, larunbatean bi supermerkatuetan
Ostiralean, ekainaren 4an, herriko komertziotan propio prestatutako kutxetan utzi daitezke produktuak, eta larunbatean, aldiz, BM eta Eroski supermerkatu sarreretan egongo diren guneetan egin daitezke aportazioak.

Gehiago irakurri...

Xenpelar dokumentazio zentroa

Xenpelar Dokumentazio Jardunaldiak Villabonako Subijana etxean

Ekainaren 4an izango dira, eta aretoan bertan nahiz telematikoki jarraitzeko aukera izango dute aurrez izena eman dutenek.

2020ko txandapasaren ondoren, aurtengo Xenpelar jardunaldietan soinu artxiboei lotutako egitasmo eta esperientziak emango dira ezagutzera. Jardunaldiak goizez izango dira, eta sarrera debaldekoa da. Dena den, parte hartu nahi dutenek aurrez izena eman beharko dute www.mintzola.eus webgunean.

Iñigo Ceberio eta Irati Etxezabal Euskadi Irratiko fonotekaren inguruan arituko dira batetik, eta, Euskararen Herri Hizkeren Atlasa aurkeztuko dute Euskaltzaindiko Adolfo Arejitak eta Amaia Jauregizarrek, bestetik. Jon Eskisabel Badok Euskal Musikaren Atariaren inguruan arituko da, eta, amaitzeko, sortzaileen eta ikertzaileen esperientziak entzuteko aukera izango dute partehartzaileek, Xabier Erkizia eta Marie Bidart-Hirigoyenen eskutik.

Gehiago irakurri...

Azpikategoria

logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.