22Maiatza2024

006.jpg

Nabarmenak

Nabarmenak

 

bannerra GIDARENA

 

            BaliabideenGida-English     BaliabideenGida-Française

 

ALBISTEAK

20240513San Isidro

San Isidro eguna ospatuko dute etzi herriko baserritarrek, Amasan

Asteazkenean, maiatzaren 15ean, San Isidro eguna ospatuko dute baserritarrek Amasan. Nekazarien zaindariaren eguna goraipatzeko egitarau berezia antolatu du Amasako Uxo-toki elkarteak.

San Isidro eguneko egitaraua:

10:00 - Meza Amasako San Martin elizan
12:00 - Bertso-saioa eta trikitilariak
14:00 - Bazkaria Uxo-toki elkartean

20240510 Andragora

Andragora, Tolosaldeko Emakumeen Etxearen informazioa banatuko du Udalak etxe guztietara

Andragora, Tolosaldeko Emakumeen Etxeak 2023ko apirilaren 1ean zabaldu zituen ateak aurrenekoz, eta orduz geroztik, tolosaldeako emakume guztien topaketarako erreferentziazko gunea bilakatu da espazio hau. Datozen egun hauetan gune honen helburuak, printzipioak, kudeaketa edota bertan antolatzen diren jarduerak biltzen dituen eskuorri bat banatuko du Udalak herriko postontzietan.

Gehiago irakurri...

20240509 MaiatzaBorrokan

Maiatza Borrokan ekimena abiatuko du Tolosaldea Sahararekin elkarteak

Amasa-Villabonan elkarretaratzea egingo da, maiatzaren 20an, 19:00etan, Erreboteko plazan.

Sahararrek pairatzen duten okupazioaren errealitate gordina gizarteratzeko eta saharar herriaren askapen-borrokari elkartasuna adierazteko ekintza ugari antolatu ditu Tolosaldea Sahararekin elkarteak. Horrela, Maiatza Borrokan lelopean, besteak beste, erakusketak, hitzaldiak eta Berazubin bueltaka egitasmoa antolatu dituzte Tolosaldea osoan barrena.

Gehiago irakurri...

20240508 Prentsaurrekoa

Energiaren erabileraren inguruko kontzientzia sortzeko egitasmoa aurkeztu dute herriko ikasleek

Amasa-Villabonako Fleming, Zubimusu eta Erniobea BHIko ikasleek garapen jasangarriaren inguruko lanketa ezberdinak egin dituzte Eskolako Agenda 2030 egitasmoaren baitan, eta Energia, bizitzaren motorra egitasmoa antolatu dute herritarren artean energiaren erabileraren inguruko kontzientzia sortzeko.

Gaur goizean herriko hiru ikastetxeetako ordezkariek prentsaurrekoa egin dute ekimenaren egitaraua aurkezteko, eta hainbat hitzordu jarri dituzte datorren asterako:

Gehiago irakurri...

20240506 Plazakopareta

Erreboteko plazaren iparraldeko horma konpontzeko lanak hasi dira

Gaur goizean hasi dira Erreboteko plazaren iparraldeko frontisaren konponketa lanak eta obrak 2-3 asteko iraupena izango duela aurreikusten du Udalak.

Errebote jokoan erabiltzen den frontisa hau eraberritzeko, lehenik hormaren garbiketa zorrotza egingo da, gainean dituen pintura kapa ezberdinak eta pinturaren azpian kaltetuta dagoen horma zatiak kenduz. Ondoren horma ondo berdindu eta piloten inpaktuei aurre egiteko bereziki diseinatutako materialarekin berreraikiko da pareta.

Gehiago irakurri...

20240426 LarreIrekiera

Larre Irekiera festa egingo da maiatzaren 1ean, Komizar parkean

Asteazkenean, maiatzaren 1ean, Amasamendiko Larre Irekiera Festa egingo da Komizar parkean. Aurten, guztira, 971 abelburu larreratuko dira; 748 ardi, 134 behi, 58 zaldi eta 31 ahuntz.

Goizeko 11:00etan emango zaio hasiera aurtengo larretzeari, eta ondoren, musikarekin girotutako hamaiketakoa egiteko aukera egongo da.

Gehiago irakurri...

Azpikategoria

logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.