- 2022 Ekaina 29
Inbertsio berriak egiteko kreditu aldaketa garrantzitsuak onartu ditu udalbatzak
Pasa den asteartean izandako udalbatzaren osoko bilkuran, bi kreditu aldaketa garrantzitsu onartu ziren. Kreditu aldaketa hauekin besteak beste udal gobernuak aurten aurrera eraman nahi dituen hainbat inbertsio finantzatuko dira. Kreditu aldaketa hauek EH Bildu eta PSEk babestu zituzten eta EAJ-PNV alderdiak ordea kontra bozkatzea erabaki zuen.
- 2022 Ekaina 23
Herriko balkoi eta atari ederrenak sarituko ditu Udalak
Bi urteko geldialdiaren ondoren, Udaleko Ingurumen sailak Atari Bizi lehiaketa abiarazi du berriro. Lehiaketa honen helburua herritar guztiek etxeko sarrera eta balkoiak era guztietako landareekin apaintzea da: loredun landareak, zuhaixkak, trepaderak eta abar. Aurtengo Santio jaietan ederrenak eta originalenak sarituko dira.
- 2022 Ekaina 22
Udalak UEMAren Bertatik Bertara egitasmoan parte hartuko du
Amasa-Villabonako Udalak bat egin du aurten ere UEMAk (Udalerri Euskaldunen Mankomunitateak) bultzatutako Bertatik Bertara egitasmoarekin. Euskal Herriko hainbat herritan bideratuko den kanpaina honen bitartez ostalariak, tabernariak eta bezeroak euskara gehiago erabiltzera animatu nahi dira.
- 2022 Ekaina 20
Udako Solstizio gaua, Amasa-Villabonan
Ostegunean, ekainak 23, udako solstizio gaua ospatuko da Amasa-Villabonan. Gaueko 22:00etan Errebote plazan. izango da zita. Lehenik, Jon Iñaki Ormazabal eta Ramón Balerdi eskultoreen "Gizatasunetik jainkotasunera" arte ekintza izango da ikusgai eta ondoren, basoko pertsonaien solstizio antzerkia. Ekimen hau Zunbeltz elkarteak antolatu du, udalaren laguntzarekin.
- 2022 Ekaina 17
Udalak bat egin du “Mapa bat baino gehiago” ekimenarekin
Amasa-Villabonako udalak bat egin du Baionako Bernat Etxepare lizeoak martxan jarri duen ‘Mapa bat baino gehiago’ ekimenarekin, eta Euskal Herriko 4 erliebedun mapa eskuratu ditu herriko eraikin publikoetan jartzeko: Udaletxeko Herritarren Arreta Zerbitzuan, Zubimusu Ikastolan, Arratzaingo eskola eremuko eraikinean (Fleming herri eskola eta Erniobea BHI) eta Loatzo musika eskolan.
- 2022 Ekaina 17
Hilerriaren sarrerako irisgarritasuna hobetzeko lanak egin dira
Hilerriko sarreraren irisgarritasuna hobetzeko lanak burutu dira egunotan Amasan. Sarrera nagusiaren lurra lautu da, eta harri-txintxarren ordez porlanezko baldosak jarri dira.
