07Abuztua2022

002.jpg
Zu hemen zaude: Albisteak

Kategoria: Albisteak

20220803SaretxoMetalikoak

Metalezko saretxoak jarri ditu Udalak, hondakinak ibaira ez erortzeko

Herria zeharkatzen duen Oria ibaira hondakin gutxiago eror dadin, saretxo metalikoak jarri ditu Udalak Remi Ayestaran pasealekuko barandaren behealdean. Aurrerantzean kale Nagusian (Ulako atzealdean) ere ezarriko ditu horrelako saretxoak.

Gehiago irakurri...

Kategoria: Nabarmenak

balorazioa web

Udalak Santio jaien lehen balorazioa kaleratu du

Amasa-Villabonako udalak honako oharra argitaratu du gaur, amaitu berri diren Santio jaien lehen balorazio publikoa eginez:

Eraso matxistek zapuztutako jai jendetsu eta parte hartzaileak

Aurtengo santio jaien balorazioa guztiz baldintzatuta dago jaietan izandako eraso matxistak direla medio. Beraz, zoritxarrez balorazio hau ezin da positiboa izan. Udalak eta herriko Mugimendu feministak osatutako eraso matxistei aurre egiteko protokoloa behin baino gehiagotan aktibatu behar izan dugu, eta hori zen nahi ez genuena.

Lehenik eta behin, erasoak pairatu dituzten neska eta emakumeak izan nahi ditugu gogoan, guztiek gure elkartasun eta babes osoa dute, eta udala bere eskuetan dagoen guztia egiteko prest dago biktimei modu aktiboan laguntzeko.

Udaletik balorean jarri nahi dugu eraso matxista hauen aurrean herriak emandako erantzun irmoa. Lehen momentutik, herritarrek elkarlana eta elkartasuna erakutsi dute eta atzo Erreboteko plaza jendez gainezka egoteak, hemen herri duin bat dagoela erakusten du. Jaietako parranda testuingurua baliatuz, neskak, emakumeak edota LGTBI+ komunitateko petsonak jazartzera, egin nahi ez dutena egitera behartzera, erasotzera edota bortxatzera datozenek, herriaren mespretxuzko harresi sendo batekin egingo dute topo, ez dute gure artean lekurik, eta legearen zein justiziaren zama astuna jasatea merezi dute soilik.

Zentzu horretan, eskerrak eman nahi dizkiegu herriko talde feministetan antolatuta dauden emakume eta neskei. Protokoloan jasotakoa behar bezala eta zorrotz bete da eta udalarekin izandako koordinazioa eta elkarlana oso egokia izan da. Eskerrik asko.

Hau esanda, aurtengo jaien balorazioa egiterakoan ez litzateke bidezkoa izango Santio jaietan bizi izandako beste guztiaz ahaztea. Izan ere, une batez eraso matxisten lakra alde batera utzita, ziur gaude aurtengo jaiek momentu eder ugari utzi dizkigutela billabonatarroi. Jaietan era guztietako ekintzak antolatzen dituzten herriko elkarte eta eragileetako jendearen lanari esker, jai herrikoi, alai, parte hartzaile eta jendetsuak izan ditugu, arrakasta izan duten ekimen ugarirekin.

Kirolari dagokionez, halterofilia, xakea, krosak, pilota, errebotea, bola tiraldiak, futbitoa, zumba edota Cycling-arekin gozatzeko aukera izan dugu. Haur eta gaztetxoen gozamenerako Besamotza konpartsako erraldoi, ipotx eta buruhandiak, haur parkea, marrazki lehiaketa, barrakak edota ur parkea izan ditugu. Nobedade arrakastatsu gisa Etxeondo Fest, Rocioaren konpartsa edo Txumo txapelketa aipatu ditzakegu. Tradizioei eutsiz, sokamuturra, dianak, txitulariak, soka dantza, abesbatzak, dantzaldiak edo berbenak ere presente izan dira. Gazte egun jendetsua, kontzertu potenteak, Etxeondoko kuadrilen bazkaria eta ondorengo kalejira, Santioetan Kantari kantujira, erromeri eguna.... ere, herritar askok disfrutatu dituzten ekintza ederrak izan dira. Hau guztia desitxuratu duten eraso matxistek, ez diezagutela Santio jai hauetan, lagunartean edota familiarekin bizi izandako momentu alai eta ederrak ahaztera eraman.

Amaitzeko, Udalak argi utzi nahi du honakoa jaien lehen balorazio orokor bat besterik ez dela. Izan ere, balio duen balorazioa Santio Jai batzordeak egingo du datorren irailean. Jai Batzordeari dagokio behar den patxadarekin 2022ko Santioen balorazio sakona egitea eta ahal bada datozen urteetako jaiak hobetzeko irakaspenak ateratzea.

Kategoria: Nabarmenak

villabona-manifestacion-U170869461165nEF-U170869397018kAC-1248x770Diario Vasco-DiarioVasco

Herri oso bat indarkeria matxistaren aurka

Villabonako mugimendu feministak deituta, elkarretaratze jendetsua egin zen atzo Erreboteko plazan, azken egunotan jaien testuinguruan izandako eraso matxistak salatzeko.

Aurtengo Santio jaien amaiera tristea eta gordina izan da. Modu horretan ikusi eta sentitu zuten atzo elkarretaratzera gerturatu ziren herritarrek. Villabonako mugimendu feministak deituta, ehundaka lagun bildu ziren Erreboteko plazan, festak hasi zirenetik gaur arte izan diren eraso matxistak salatzeko. Mugimendu Feministaren mezua ozena eta argia izan zen: “Ez dugu beldurrik izan nahi etxerako bidean, ez tabernan, ez komunera joatean ere. Ez dut etxera ondo iritsi naizen mezurik bidali nahi. Askatasuna nahi dugu. Errespetua. Espazioa. Merezi dugun eta gurea behar lukeen espazioa nahi dugu. Kaleak, plazak, txoznak, komunak eta eszenatokiak ere gureak dira. Hemen gaude eta hemen izango gaituzue. Pauso bat bera ere ez dugu atzera emango”.

Uztailaren 30eko gaueko egoera zein izan zen ere azaldu zuten manifestuan, eta salatu zutenez “erasotzaile antolatu baten presentzia sumatzen zen”. Halaber, erasoak saiheste aldera eta emakumeen arteko babesa bermatu nahian, gau horretan ostalaritzak izan zuen jokabidea eskertu zuten: “Atzo emandako erantzuna izugarria izan zen. Herri oso bat mobilizatu zen minutu gutxitan. Etxera laguntzeko txandak osatuz, babesa emanez eta elkar zainduz. Argi geratu da herri oso bat dagoela borrokan, indarkeria matxistaren aurka”.

Inongo unean ahaztu gabe, oholtza gainean bereziki gogoan hartu zituzten erasoak pairatu dituzten emakumeak: “Gure babes eta besarkadarik goxoena bidali nahi diegu azken aste honetan erasotuak izan diren emakume guztiei, haien familia eta lagunei. Zuekin eta zuentzat gaude”.

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.