Kategoria: Albisteak
- 2021 Abendua 17
Sutarako egurra banatuko da herriko bizilagunen artean
Foru Aldundiaren mendi sailak Oinddolar inguruan dagoen haritz amerikarren landaketan soiltze lanak egin ditu aurtengo udazkenean. Udalak bertan geratu den egurra mendi pistara aterako du herritarren artean banatzeko.
Aurrez izena eman beharko da
Aipatutako egur hori eskuratzeko interesa dutenek aurrez izena eman beharko dute E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbide elektronikora mezu bat bidalita edo Villabonako udaletxeko Herritarren Arreta Zerbitzuan (astelehenetik ostiralera 8:00etatik 14:00etara). Beharrezkoa izango da mezu horretan izen-abizenak, harremanetarako kontaktu bat eta NAN zenbakia zehaztea.
Apuntatzeko azken eguna abenduarean 31 izango da, ostirala.
Kategoria: Albisteak
- 2021 Abendua 16
“Pilotakadek batzen gaituzte” unitate didaktikoa aurkeztu du Udalak, Behar Zana eta herriko ikastetxeekin batera
Amasa-Villabonako Udalak Behar Zana pilota elkartearekin eta Fleming Herri Eskola eta Zubimusu Ikastolarekin elkarlanean, pilotaren historia eta bilakaera, euskal pilota modalitate ezberdinen sorrera, zenbait bitxikeria eta abar lantzen dituzten unitate didaktikoak garatu ditu, Lehen Hezkuntzan dabiltzan herriko ikasleentzat.
Kategoria: Albisteak
- 2021 Abendua 14
Kontsumo bonoen kanpaina amaituta, balorazio positiboa egin du Udalak
Amasa-Villabonako Udalak eta Oria merkatarien elkarteak elkarlanean garatutako herriko saltokietarako kontsumo bonoen kanpaina bere amaierara iritsi da eta kanpainak emandako emaitzak edo izandako eragina baloratzeko unea da orain.
