Kategoria: Albisteak
- 2022 Maiatza 17
Udako Euskara ikastaroan izen-emate epea ireki du AEK Euskaltegiak
AEK Euskaltegiak Autoikaskuntza ikastaroa antolatu du uztailaren 4tik irailaren 30era bitartean. Bertan izena emateko interesa izanez gero, matrikulazio garaia dagoeneko zabaldu da eta ekainaren 22ra arte luzatuko da.
Kategoria: Albisteak
- 2022 Maiatza 11
San Isidro eguna ospatuko dute Amasako baserritarrek
San Isidro eguna ospatuko dute igandean, maiatzaren 15ean, Amasako baserritarrek. Coronavirusaren pandemiak eragindako bi urteko geldialdiaren ondoren, Uxo-Toki elkarteak egun osoko egitaraua antolatu du baserritarren zaindariaren egunerako.
Kategoria: Nabarmenak
- 2022 Maiatza 10
Bihartik aurrera, udaleku irekietan izena emateko aukera
Amasa-Villabonako Udaleko Gazteria sailak Udaleku irekiak antolatu ditu uztailaren 4tik 22ra bitartean, HH2 eta LH4 arteko umeentzat. Astelehenetik ostiralera, 09.30ean egingo dute hitzordua, eta, egurdiko 13:00ak arte, ekintza desberdinez gozatzeko aukera izango dute herriko txikienek. 08:00-09:30 ordutegian goizeko zaintza zerbitzua ere eskainiko da aurten.
Maiatzaren 11tik 23ra, izen-emate epea
Aurtengo udaleku irekietan izena emateko interesa dutenek bihartik maiatzaren 23ra izango dute apuntatzeko aukera: Udaletxeko Herritarren Arreta Zerbitzuan 08:00-14:00 ordutegian, edo Gaztelekuan, 17:30-19:30 ordutegian. Izen-emate orria behar bezala beteta eta sinatuta, eta haurraren osasun txartelaren fotokopia aurkeztu beharko dira izena ematerakoan.
Amasa-Villabonan erroldatutako haurrek dute udaleku ireki hauetan parte hartzeko lehentasuna. Herrian erroldatuta ez dauden haurrekin, aldiz, itxaron zerrenda bat sortuko da, eta, plaza libreak geratuz gero, parte hartzeko aukera izango dute.
Kuotak
| UDALEKU IREKIAK | AMASA-VILLABONAN ERROLDATUAK | AMASA-VILLABONAN EZ ERROLDATUAK |
| BANAKAKO KUOTA | 84,12 € | 126,18 € |
| 2. ANAI-ARREBA EDO GEHIAGO |
44,17 € | 66,24 € |
| GOIZEKO HAUR TXOKOA | AMASA-VILLABONAN ERROLDATUAK | AMASA-VILLABONAN EZ ERROLDATUAK |
| BANAKAKO KUOTA | 20,45 € | 29,66 € |
|
2. ANAI-ARREBA |
13,29 € | 18,41 € |
Udaleku ireki hauetan parte hartzeko hobariak eskaintzen ditu Amasa-Villabonako udalak. Hauek eskatzeko zerga ziurtagiria, edo ez dutenen kasuetan, bizikidetza unitateko kide guztien diru-sarreren ziurtagiriak aurkeztu beharko dira izen-emate unean.
Gurasoekin bilera, ekainaren 22an
Urtero bezala, aurten ere Udaleku irikietan izena eman duten haurren gurasoei programa aurkeztuko zaie aurrez. Bilera ekainaren 22an izango da, arratsaldeko 18:00etan, Gurea antzokian.
Argibide gehiagorako E-mail hau spam roboten kontra babestuta dago. JavaScript aktibatuta izatea behar duzu hau ikusteko. edo E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera mezu elektroniko bat idatzi. Bestela, 943 69 21 00 edo 943 69 47 84 telefono zenbakietara ere deitu daiteke.
