05Urria2022

009.jpg
Zu hemen zaude: Albisteak

Kategoria: Nabarmenak

velorio ingimage 2 0

Hileta eta omenaldi zibilak egiteko Ordenantza onartu du udalbatzak

Hileta ospakizun zibilak herrian egitea baimentzen duen araudia eta ekitaldi hauek hartuko dituzten espazio-publikoak izendatu dira udal ordenantzan berri honetan.

Amasa-Villabona herri anitza da; aniztasun ideologiko, erlijioso eta kultural handia duena, eta ekitaldi sozialei dagokionean ere, etengabeko eraldatzean murgilduta dago. Hori horrela, Udalak akonfesionaltasuna eta laizismoaren oinarriak bermatu behar ditu zentzu guztietan, baita heriotzaren ondoren datozen ekitaldietan ere.

Beraz, hileta omenaldi zibilak egiteko dagoen eskari sozial gero eta handiagoari erantzuna eman dio Udalak, inolako erlijiorik gabeko omenaldi duinak eta pertsonalak egiteko aukera arautuz. Ordenantza honekin, aurrerantzean hileta omenaldi zibilak egiteko aukera izango da, Villabonako udaletxeko Batzar aretoan, "Aljibea" kulturgunean, Erreboteko plazan edo Berdura plazan. Hala ere, herriko beste lokal edo eremu publiko batean egiteko aukera ere zabalik utzi da.

Hori horrela, atzo izandako udalbatzaren osoko bilkuran, Amasa-Villabonan heriotzagatik hileta eta omenaldi zibilak egiteko udal gobernuak aurkeztutako Udal-Ordenantza aho batez onartu zen.

Ikusi ordenantza
Deskargatu Eskaera-orria

Kategoria: Nabarmenak

HARMARRIA LGTBI

Udalak herriko LGTBI+ kolektiboaren diagnostikoa egingo du, ondoren neurriak hartzeko

Atzo, ekainak 28, LGTBI+ Harrotasunaren Eguna izanik, Amasa-Villabonako udalbatzan ordezkaritza duten alderdi politiko guztiek kolektibo honen eskubideak aldarrikatu zituzten Osoko Bilkuran, EH Bildu alderdiak aurkeztutako Erakunde Adierazpena aho batez onartuta. Horrela, Udalak LGTBI+ herritarren bizitzen inguruko diagnostikoa egin eta ondoren horretan oinarritutako ekintza plan bat abiatzeko konpromisoa hartu du. Udal gobernua horrelako azterketa lanak egin dituzten eta LGTBI+ kolektiboaren parte diren hainbat elkarterekin harremanetan jarri da dagoeneko, uda ondoren prozesua martxan jartzeko helburuarekin.

Onartutako Adierazpen Erakundeak honako dio:

LGTBI+ BIZITZEK BALIO DUTE

Maiatzaren 17an, LGTBI+fobiaren kontrako egunean esaten genuena errepikatzen dugu Ekainaren 28an, LGTBI+ harrotasunaren egunean. Harro gaudelako gure bizitzez, harro gure bizi historiaz, harro LGTBI+ mugimenduaz.

Komunikabide nagusienen estigmatizazio saiakerek eta manipulazioak zein eskuin muturreko diskurtsoek cis-hetero arautik ateratzen diren bizitzak ezabatu nahi dituen honetan, inoiz baina garrantzitsuagoa da nondik gatozen ospatzea eta aldarrikatzea. Stonewalletik Euskal Herrira, milaka bizipen, galera, aldarrikapen eta lorpen izan ditugu, baina oraindik egiteko asko dago. Eraso LGTBI+fobikoen datuak gora doaz, armairuak presente jarraitzen du gure bizitzako arlo guztietan, diskurtso patologizatzaileak ugaritzen ari dira... eta ondorioz gure bizitzak arriskuan daude.

Honen guztiaren aurrean, antolatzea eta borrokatzea ezinbestekoa da. Gure kasuan, instituzioetatik politika publiko integral eta sendoak, perspektiba feministan oinarritutako zerbitzuak, babes kolektiborako eta autodefentsarako mekanismoak ezartzeko bideak... ezartzea ezinbestekoa dugu. Anekdotikoak diren politikak alde batera utzi, eta estrukturalak diren horiek erdigunean jartzeko garaia da. Amasa-Villabonan ere, horretan ari gara.

Horregatik guztiagatik Amasa-Villabonako udalak konpromisoa hartzen du, gure herriko LGTBI+ pertsonen bizitzen gaineko diagnostikoa egin, eta honetan oinarritutako ekintza plan bat abiatzeko. Udalak prozesu hau, herriko LGTBI+ mugimenduko kideekin batera egiteko konpromisoa hartzen du eta egon ezean, erreferente eta norbanako ezberdinak aktibatzeko modua sustatuko du.

Honetaz gain, udalak dei egiten du Ekainaren 28aren bueltan antolatu diren ekimen eta mobilizazioetan parte hartzeko.

Amaitzeko, Amasa-Villabonako udalak LGTBI+ pertsonen bizitzak egunerokotasunean bizigarriak izateko, lan eta borrokatzen ari diren pertsona eta kolektibo guztiak zoriondu nahi ditu, zalantzarik gabe honakoa harrotzeko moduko mugimendua baita.

LGTBI+ bizitzek balio dutelako, gora Ekainaren 28a!

Kategoria: Albisteak

20220623AtariBizi

Herriko balkoi eta atari ederrenak sarituko ditu Udalak

Bi urteko geldialdiaren ondoren, Udaleko Ingurumen sailak Atari Bizi lehiaketa abiarazi du berriro. Lehiaketa honen helburua herritar guztiek etxeko sarrera eta balkoiak era guztietako landareekin apaintzea da: loredun landareak, zuhaixkak, trepaderak eta abar. Aurtengo Santio jaietan ederrenak eta originalenak sarituko dira.

Gehiago irakurri...

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.