18Apirila2021

011.jpg
Zu hemen zaude: Albisteak

Kategoria: Albisteak

Pelikulak web

Downen Sindromea eta Autismoa lehen lerrora ekarriko dituzten pelikula emanaldiak

Pasa den martxoaren 21ean Downen sindromearen Nazioarteko Eguna izan zen, eta apirilaren 2an, aldiz, autismoaren nazioarteko eguna izango da. Egun hauen harira, Amasa-Villabonako Udaleko Gizarte Zerbitzuek bi pelikula emanaldi antolatu dituzte martxoaren 31 eta apirilaren 7rako, Gurea Antzokian biak. Emanaldiak arratsaldeko 19:00etan izango dira, doan.

Zerk egiten gaitu beste pertsonekiko desberdin?
Un año mas dokumentala ikusteko aukera izango da Gurea Antzokian martxoaren 31n. Downen sindromea ardatz duen dokumental honek Paco Bernal margolariaren erretratu berezi bat sortuko digu. Izan ere, zerk egiten gaitu beste pertsonekiko desberdin? Norberaren trebetasunek edo ezaugarri fisikoek. 21. kromosoma parean, bat gehiago dauka Pacok, eta, horrek, estilo piktoriko paregabea garatu arazi dio. Dokumentalak honako galdera sortuko dio ikusleari: Nor da desberdin?
Proiekzioaren amaieran, solasaldia izango da Julio Suarez zuzendariarekin eta Rosa Bernal aktorearekin. Atzegi Elkarteko ordezkariak ere bertan izango dira, grabatu bat eskainiko baitzaie adimen desgaitasuna duten pertsonen alde egunero egiten duten lana aitortzeko.

Gehiago irakurri...

Kategoria: Nabarmenak

Reala

Amasa-Villabonako bandera Sevillako finalera bidean

Apirilaren 3an jokatuko du Realak Kopako finala Athleticen aurka Sevillan, baina ikuslerik gabe lehiatuko dira, Covid-19ak sortutako osasun egoera dela eta. Zalantzarik gabe, partida garrantzitsua da gipuzkoarrentzat eta, amasa-billabonatar askorentzat!

Giroa berotzen hasteko, eta zaleen indarrak biltzeko, Realaren autobus ofiziala Gipuzkoan barrena dabil egunotan, udalerri bakoitzeko bandera jasoz, Sevillan presente egon daitezen. Gaurkoan Amasa-Villabonan izan da autobus hori Udaleko eta Billabona FC-eko ordezkariekin banderak trukatzen; Realeko ordezkariek bandera txuri-urdina ekarri dute, eta Beatriz Unzue alkateak Amasa-Villabonakoa eman die, La Cartujan ere Realak herriko zaleen babesa izan dezan.

Kategoria: Albisteak

Covid-19 txertaketa kanpainari buruzko galderak

Udalak herriko eraikin publikoak eskaini dizkio Osasun Sailari, Covid-19aren txertaketa kanpainarako

Pasa den martxoaren 13an Amasa-Villabonako udalak, gutun bat igorri zuen Eusko Jaurlaritzaro Osasun Sailera, Covid-19aren aurkako txertaketa kanpainarako Amasa-Villabonan dauden eraikin eta espazio publikoak eskaintzeko. Horrela, udalak, bere eskuetan dituen bitarteko guztiak txertaketa kanpaina garrantzitsu honen mesedetara jartzeko prestutasuna adierazi dio Jaurlaritzari.

Jakina denez, oraingoz sektore konkretu batzuetako profesionalak (osasun zerbitzuetakoak, irakasleak, poliziak...) eta adineko pertsonek jaso dituzte Covid-19aren kontrako txertoak, baina txertaketa kanpaina beste herritarrei zabaltzen zaienean, jende askok joan beharko du txertoa jartzera. Pentsatzekoa da ziurrenik Osasun Etxeak txiki geratuko direla txertaketa behar bezala eta segurtasun neurri guztiekin bertan egin ahal izateko eta horregatik udalak beste eraikin batzuk eskuragarri jarri nahi izan ditu.

Besteak beste, Olaederra kiroldegia, Amasa eta Villabonako pilotalekuak eta Gurea antzokia erabiltzeko aukera eskaini dio udalak Osasun Sailari. 

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.