06Maiatza2021

003.jpg
Zu hemen zaude: Albisteak

Kategoria: Albisteak

26099 1595661302

Jai batzordearen bilera, udan kaleko kultur programazioa antolatzeko

Santio jai batzordeak bilera berezia egingo du asteazken honetan. Ohiko jaiak ospatu ezingo badira ere, ekaina eta uztailean kaleko kultur egitarau berezi bat antolatzeko urratsa emango baita. Honakoa da Jai batzordeak zabaldu duen oharra:

Aurtengo Lehen Jai Batzordeko bilera egin genuenean, aurten Santio jairik ez zela egingo erabakitzeaz gain, Batzordeak erabaki zuen kaleko kultur programazioa egingo zela uztail osoan zehar, eta Kultura Sailak zirriborro bat egin eta gero, bilera bat egingo genuela, Jai Batzordeko kideek beren proposamenak helarazteko eta denon artean aztertzeko.

Hori dela eta, datorren asteazkenean, apirilaren 21ean, 19:00etan, egingo dugu bilera, udaletxeko pleno aretoan. Bilera presentziala izango da, baina nahi duenak aukera dauka telematikoki parte hartzeko: (meet.jit.si/villabonakoudala. Pasahitza eskatuko balu: villabona 2020). Asteazkenera arte.

Kategoria: Albisteak

Erreka garbiketa

Udalak herriko errekak garbituko ditu hilero

Aste honetan bertan ekingo dio Udalak herriko ibaiak eta errekak garbitzeari: Oria ibaia, Aranerreka, Ubilluts… Apirilean hasi, eta hemendik aurrera, hilero-hilero astebetez burutuko den lana izango da.

Bestetik, erreka eta ibaiez gain, Komizar edo Lasturko parkeetan eta zenbait mendi ibilbideetan zehar pilatutako zaborrak ere bilduko ditu.

Amaitzeko, Udalak lan hauetatik bildutako zabor kopuruaren irudiak argitaratuko ditu hilero herritarren kontzientziazioan eragiteko helburuarekin.

Urzain Taldea izango da lan hauetaz arduratuko dena, eta, guztira, 5.456,56 euro bideratu ditu Udalak lan honetara.

Kategoria: Albisteak

p008 f01web

EH Bildu eta EAJko udal ordezkariek bat egin dute espetxe politikari buruzko Euskaldunako Adierazpenarekin

Amasa-Villabonako udal ordezkari abertzale guztiek (EH Bildu eta EAJ-PNV alderdietakoek) bat egin dute pasa den abenduan euskal presoen senideak biltzen dituen Etxerat elkarteak eta Euskal Herriko hainbat alderdi eta sindikatuek Bilboko Euskalduna jauregian adostu zuten adierazpenarekin. PSEko zinegotzi bakarrak, adierazpena ez sinatzea erabaki du.

Adierazpen horretan, besteak beste, espainiar estatuak garatzen duen espetxe politika aldatzearen beharra eta iraganeko logikak gainditu beharra aldarrikatzen da. Adierazpen garrantzitsu hau EAJ-PNVk, EH Bilduk, Elkarrekin Podemos-IUk, ELAk, LABek, UGTk, CCOOk, Steilas-ek, EHNEk, ESK-k, Hiru-k, Etxalde-k, CGTk eta CNTk sinatu zuten eta euskal presoen aferan aspaldian ikusi gabeko adostasun zabala lortu zela esan daiteke.

Hemen irakur daiteke Amasa-Villabonako udal ordezkariek izenpetu duten Euskaldunako Adierazpena: Adierazpena Sinatuta (Villabona)

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.