31Uztaila2021

006.jpg
Zu hemen zaude: Albisteak

Kategoria: Nabarmenak

Lurraldebus 2

Udalaren eskaerari erantzunez, Tolosa-Donostia herriz herriko autobusen murrizketa bertan behera utziko du Aldundiak

Tolosatik Donostiara herriz herri autobus zerbitzuaren (BU07 linea) maiztasuna, berriro ere, ordu erdirokoa izango da irailetik aurrera.

Uztailaren 1ean sartu zen indarrean Lurraldebusen ordutegi berria. Eta, besteak beste, Tolosatik Donostiara herriz herri doan zerbitzuaren maiztasuna 30 minuturo izatetik, 60 minuturo izatera murriztu da, Gipuzkoako Foru Aldundiak horrela erabakita. Zerbitzu honen erabiltzaileen kezka eta ezinegona ikusita, Udala aste honetan bertan bildu da Gipuzkoako Foru Aldundiko Mugikortasun eta Lurralde Antolaketako arduradun politiko eta teknikoekin.

Gauzak horrela, asteazkenean Xabat Laborde, Amasa-Villabonako alkateordea eta Gorka Murua, Irurako alkatea (Buruntzaldeko beste hainbat alkate eta udal ordezkarierekin batera) Gipuzkoako Foru Aldundiko Mugikortasun eta Lurralde Antolaketako diputatua den Rafaela Romerori Lurraldebuseko erabiltzaileen haserrea eta ezinegona helarazi zioten. Era berean, eskaera argia jarri zuten mahai gainean: autobus zerbitzu hori, 60 minuturo izan beharrean, 30 minuturo izatea, uztailaren 1era arte zegoen moduan.

Aldundiak eskaera ulertu, eta, irailetik aurrera, zerbitzuaren maiztasuna lehengora bueltatzeko konpromisoa hartu zuen udal ordezkarien aurrean.

Amasa-Villabonako Udalak bilera horren emaitza oso positibotzat jo du, eta Gipuzkoako Foru Aldundiari hartutako konpromisoa beteko duela espero du. Izan ere, autobus garraio publioa bultzatu nahi bada, autobus zerbitzuen maiztasunetan murrizketak egiteak ez zuen inolako zentzurik.

Kategoria: Albisteak

210716Homologazioa

Atzerriko titulu akademikoak homologatzeko saio informatiboa, uztailaren 21ean

Datorren asteazkenean, hilaren 21ean, atzerriko ikasketak homologatzeko saio informatiboa eskainiko dute Udaleko Gizarte Zerbitzuek eta Bidez bide elkarteak elkarlanean.

Ikasketak edota beste herrialde bateko titulu akademikoak dituztenei zuzendutako saio honetan ikasketak homologatzeko eta baliozkotzeko prozesuari eta baldintzei buruzko informazioa eta aholkularitza eskainiko da (bigarren hezkuntza, batxilergoa, teknikoa edo unibertsitatekoak).

Saio informatiboa uztailaren 21ean izango da, arratsaldeko 17:30etan Villabonako Subijana etxean, eta interesa dutenek, aurrez izena eman beharko dute 646 057 080 telefono zenbakira Whatsapp mezu bat bidalita.

Kategoria: Albisteak

DSC 0002 tokikom 700x700

Behar Zanako taldeak Gipuzkoako Errebote Txapelketako finala jokatuko du Zubietaren aurka

Finala igande honetan hilak 11, goizeko 10:30ean izango da Villabonako Errebote plazan

Gipuzkoako Errebote Txapelketako finala ikusteko aukera izango da, asteburuan. Iaz ez zen txapelketa antolatzerik izan COVIDagatik. Baina denboraldi honetan, eta formatu laburrean bada ere, hainbat norgehiagokaz gozatzeko parada izan da.

Aurreko larunbatean, hiru talde parte-hartzaileek (Behar Zana, Oiartzungo Txost eta Zubieta) denek denen kontra jokatu zuten Zubietan. Eta handik atera dira finalistak: aurten ez da aurreko bi edizioetako finala errepikatuko (Zubieta vs Txost), Behar Zana elkarteko billabonatarrak sailkatu baitira zubietarrekin batera.

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.