Asfaltatze lanak egin dira SACEM industrigunean

IMG-20201126-WA0000
SACEM industria poligonoko hegoaldeko bidea (Anoeta aldera ematen duena) oso egoera txarrean aurkitzen zela eta ibilgailuak pertatik pasatzeko zituzten zailtasunak kontuan hartuta, bide hori asfaltatzea eta errepide duin batean bilakatzea lortu da. Horrela, hemendik aurrera bertako industria jarduerarako azpiegiturak nabarmen hobetu direla esan daiteke, batez ere kamioiek industrigune osoa zeharkatzeko aukera izango dutelarik.

Inbertsio berri honek finantziazio publiko-pribatua izan du, Arteca Caucho Metal S.A. enpresak eta Amasa-Villabonako udalak ordaindu baitute obra. Udal gobernua pozik agertu da emaitzarekin eta herriko industria jarduera bultzatzen jarraitzeko konpromisoa berretsi du.