Inauteriak ez direnez ospatuko, Tolosara ez joateko deia

EZ JOAN TOLOSARA

Duela aste batzuk Tolosako udalak jakinarazi zuenez, Covid-19ak eragindako ez-ohiko egoera dela eta, aurtengoan ez dira Tolosako Inauteri entzutetsuak ospatuko. Jakina denez, Tolosaldeko herrietako biztanleok ohitura handia dugu inauterietan Tolosara joateko baina aurten hori ez egiteko deia zabaldu behar dugu. Gogoan izan behar da gaur gaurkoz udalerrien itxiera perimetrala indarrean dagoela eta ondorioz debekatuta dagoela Amasa-Villabonatik irtetea. Soilik osasun, zaintza, lan edo helburu horietako garraio arrazoiak direla medio, irten ahal izango da gure herriko mugetatik. 

Beraz, Tolosako udalak egin duen bezalaxe, Amasa-Villabonako udaletik ere, egun hauetan Tolosara ez joateko deia egiten dugu. Horrez gain, Eusko Jaurlaritzak ezarritako prebentzio neurriak uneoro betetzeko deia egiten dugu, bakoitza bere herrian geratuz, 4 pertsonatik gorako taldeetan ez elkartuz etab. Izan gaitezen arduratsuak.