01Uztaila2022

010.jpg
Zu hemen zaude: Albisteak Ostalaritzan euskararen erabilera bultzatzeko UEMAren Bertatik Bertara egitasmoarekin bat egin du Udalak

Ostalaritzan euskararen erabilera bultzatzeko UEMAren Bertatik Bertara egitasmoarekin bat egin du Udalak

220622 BertatikBertara

Amasa-Villabonako Udalak bat egin du aurten ere UEMAk (Udalerri Euskaldunen Mankomunitateak) bultzatutako Bertatik Bertara egitasmoarekin. Euskal Herriko hainbat herritan bideratuko den kanpaina honen bitartez ostalariak, tabernariak eta bezeroak euskara gehiago erabiltzera animatu nahi dira.

Horretarako, UEMAk mahai gaineko manteltxoak prestatu ditu eta bertan 6 hizkuntzatan agertzen dira ostalaritzan sarri erabiltzen diren hitz eta esamolde batzuk. Gainera, QR bidez hiztegitxo bat deskargatzeko aukera eskaintzen du.

Oinarrizko hiztegia bisitarientzat.

Horretaz aparte, informazio-orri bat ere banatuko da ekimen honetan parte hartzeko prest agertu diren herriko ostalarien artean, bezeroak ikusteko moduko tokiren baten jarri dezaten.

Eta ostalariei bidali zaien gutunean zerbitzua eskaintzerakoan ahoz ere euskararen erabilera bultzatzeko gonbita egiten zaie eta, bide batez, euren lokaletako hizkuntza paisaian (karteletan, menuetan, oharretan, web orrietan…) euskara gehiago erabiltzeko laguntza ere eskaintzen zaie; UEMAra bertara deituta (943 81 66 99) edo Amasa-Villabonako Udaleko Euskara Zerbitzura (943 69 21 00 – Luzp: 3329).

Informazio gehiago: www.uema.eus

Zu hemen zaude: Albisteak Ostalaritzan euskararen erabilera bultzatzeko UEMAren Bertatik Bertara egitasmoarekin bat egin du Udalak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.