01Uztaila2022

009.jpg
Zu hemen zaude: Albisteak Herriko balkoi eta atari ederrenak sarituko ditu Udalak

Herriko balkoi eta atari ederrenak sarituko ditu Udalak

20220623AtariBizi

Bi urteko geldialdiaren ondoren, Udaleko Ingurumen sailak Atari Bizi lehiaketa abiarazi du berriro. Lehiaketa honen helburua herritar guztiek etxeko sarrera eta balkoiak era guztietako landareekin apaintzea da: loredun landareak, zuhaixkak, trepaderak eta abar. Aurtengo Santio jaietan ederrenak eta originalenak sarituko dira.

Udaleko Ingurumen sailaren ekimenak landareekiko errespetuzko jarrera berpiztea du helburu. Era berean, herritarrak etxeen itxuraz eta osasunaz arduratzea sustatu nahi du.

Uztailaren 12an epaimahaiko kideak herrian zehar
Lehiaketan parte hartzeko ez da aurrez izenik eman beharko, nahikoa izango da etxeko balkoia loreekin apaintzea. Horrela, uztailaren 12an epaimahaiko kideak herrian zehar ibiliko dira eta balkoietako eta terrazetako landareen kolorea, apaingarritasuna, itxura eta originaltasuna baloratuko dituzte. Aipatutako epaimahaia, Ingurumen zinegotziak eta udal teknikariak, eta Iratze Lorezaintza enpresako kideek osatuko dute.

Hiru sari, uztailaren 25ean
Atari Bizi lehiaketako sari banaketa uztailaren 25ean egingo da, Erreboteko plazan, Soka dantzaren ondoren. Irabazleari bi lagunentzako otordua eta herriko dendetan erosketak egiteko 150 euroko balea emango zaio. Bigarrenak eta hirugarrenak 100 euro eta 85 euro jasoko dituzte, hurrenez hurren, herriko dendetan erosketak egiteko.

Udalak herritar guztiak animatu nahi ditu Atari bizi lehiaketan parte hartzera.

Ikusi lehiaketaren kartela

Zu hemen zaude: Albisteak Herriko balkoi eta atari ederrenak sarituko ditu Udalak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.