25Otsaila2024

011.jpg
Zu hemen zaude: Albisteak Udalbatzak bat egin du Fleming Herri Eskolak sukaldea sortzeko egin duen eskaerarekin

Udalbatzak bat egin du Fleming Herri Eskolak sukaldea sortzeko egin duen eskaerarekin

platera aukera fleming

Eskolako jangela ereduaren eraldatzea jorratzen ari da Fleming Herri Eskola azken urteotan. Aldaketa horiek gauzatzeko ezinbestekoa ikusten dute otorduak prestatzeko sukaldea Arratzaingo eskolan bertan izatea. Sukaldeak hartuko duen espazioa zein izan daitekeen ere dagoeneko aurreikusi dute; gaur egun erabilerarik ez duen atezain ohiaren etxebizitza zena, hain zuzen ere.

Gauzak horrela, Fleming Herri Eskolak aurkeztutako mozioak honakoa eskatzen dio Udalbatzari:

- Arratzaingo eraikuntzan sukaldea egiteko eskaerarekin bat egitea.
- Sukaldea ahalik eta azkarren egiteko eskaera burutzea Hezkuntza Sailari.
- Arratzaingo sukaldean prestatutako otorduak Arroako eraikuntzara garraiatzeko baliabideak jartzeko eskaera egitea Hezkuntza Sailari.
- Sukaldea sortzeko beharrezkoak izango diren baliabide pertsonal, tekniko eta ekonomikoak jartzea, eta Hezkuntza Sailak eskatuko dituen udal-baimenak ematea.

Ikusi mozioa osorik

Udalean ordezkaritza duten alderdiek aho batez onartu dute Fleming Herri Eskolak aurkeztutako mozioa.

Zu hemen zaude: Albisteak Udalbatzak bat egin du Fleming Herri Eskolak sukaldea sortzeko egin duen eskaerarekin
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.