Euskara mintzatu lagun giroan!
Kalean euskaraz hitz egiteko ohitura eta erraztasuna izan nahi dituzu? Mitzalaguna da soluzioa. Amasa-Villabonako eta Zizurkilgo Euskara Zerbitzuek beste urte batez Mintzalaguna egitasmoa bultzatu dute. Helburua da euskara ikasten ari direnei kalean hitz egiteko konfiantza hartzen laguntzea. Horretarako hiru laguneko taldeak osatu dira (bi euskara-ikasle era laguntzaile euskjaldun bat). "Talde hauetako kideek konpromisoa hartzen dute astean behin, gutxienez ordubetez, euskaraz aritzeko elkarrekin, kafe bat hartu, kirola egin, paseatu edo nahi duten jarduera egiten duten bitartean", dio Maite Arregik, Udaleko euskara teknikariak.
