23Ekaina2021

005.jpg

Nabarmenak

Nabarmenak

Parte hartze prozesua Bannerra eusk


HONDAKINEN BILKETA

Datuak kontsultatzeko klikatu hemen 

HPONDAKINAK WEB


  Hitanoa web


 

COVID-19: GOMENDIOEN GIDA

 GOMENDIOEN gida eusk page-0001

koronabirusa-babestu-web 


  Emakumeen kontrako indarekeria sufritzen ari bazara, edo susmo hori baduzu...

DEITU: 900 840 111

EMAKUMEEN INDARKERIA EZweb

bulegoa

Ordutegia: 

Ostirala: 09:00 - 14:00

Hitzordua aurrez eskatu behar da

COVID-19aren osasun larrialdia dela eta, kontsumitzaileen egoera eta arazo ohikoenen informazioa:

DESKARGATU

ALBISTEAK

Udalbatzaren Adierazpena Kolonbia eta Palestinako herriei elkartasuna adieraziz

5634b385-a554-426d-99c5-cc7c72211702 alta-libre-aspect-ratio default 0

Astearte honetan izandako Amasa-Villabonako udalbatzan, EH Bildu udal taldeak aurkeztutako adierazpena aho batez onartu zen alderdi politiko guztien babesarekin. Horrela, udalak azken asteetan Kolonbian eta Palestinan izandako giza eskubideen urraketa larriak salatzen ditu eta elkartasuna adierazten die eskubide urraketa larri horiek pairatu dituzten herritar errugabeei.

Alde batetik Kolonbiar gobernuaren errepresio basatia eta poliziaren hilketak eta bestalde, Israelgo estatuak Palestinarren aurka martxan jarritako operazio militarra eta bonbardaketak salatu nahi izan ditu Villabonako udalak.

Honakoa da Amasa-Villabonako udalbatzak aho batez onartutako Erakunde Adierazpena:

PALESTINA ETA KOLONBIAKO HERRIEI ELKARTASUNA ADIERAZTEKO

ERAKUNDE ADIERAZPENA

 

1. ERREPRESIO BORTITZA KOLONBIAN

Joan den apirilaren 28an, Kolonbiako herria kalera atera zen bizi-baldintza justuak eskatzeko, Ivan Duqueren Gobernuaren zerga-erreformaren aurka eta justizia soziala duen herrialde baketsu baten eskakizunarekin.

Ordutik, mugarik gabeko Geldiadi Nazionalean daude, eta, ordutik, Gobernuaren erantzuna errepresio bortitza izan da protestarako eskubidea legitimoki erabiltzen ari diren pertsonen aurka, bizitza duina eta giza eskubideen errespetua eskatuz.

Sistema demokratiko batean, protesta soziala oinarrizko eskubideetako bat da, eta Estatuak errespetatu eta bermatu behar du.

Herritarren oinarrizko beharrei erantzuteko aukera emango duen zerga-sistema bidezko eta progresibo baten aldeko gizarte-eskaeren aldarrikapen baketsua bermatu behar da, baita Bake Akordioen garapen erreala eta integrala eskatzen duten eskaerena ere, funtsezkoa baita bake egonkor eta iraunkorrerantz aurrera egiteko.

Hainbat plataformaren arabera, geldialdi edo paro nazionala hasi zenetik, poliziaren indarkeria, eraildako eta zauritutako pertsonak, atxiloketa arbitrarioak eta indarkeria sexual kasu latzak izan dira Indar Publikoaren eskutik. Herrialdeko hirietan etxeko bideoekin grabatutako irudi askok ez dute zalantzarik uzten, eta herritarren aurka su-armak erabiltzen dituen Indar Poliziala erakusten dute, indarkeriazko eta bereizketarik gabeko errepresioan.

Honen aurrean, ezin gara isilik egon. Indar polizialak kolonbiarrak erreprimitzen, jazartzen, zauritzen eta hiltzen ari dira, eta, beraz, gogorarazi behar diogu gobernuari bere erantzukizuna dela Giza Eskubideak babestea eta bermatzea, bizitzarako eta segurtasun pertsonalerako eskubidea barne, bai eta bilera baketsua egiteko askatasunerako eskubidearen erabilera erraztea ere.

Horregatik guztiagatik, Amasa-Villabonako udalbatzak honakoa adierazten du:

  • Kaleetan legez protesta egiten dutenen aurkako errepresio basati eta bidegabea salatzen dugu.
  • Ivan Duqueren Gobernuari eskatzen diogu Kolonbiako herritar guztien giza eskubideak babesteko eta bermatzeko.
  • Indar Publikoak eragindako indarkeria-gertakari guztiak argitzea eskatzen dugu, eta dagozkion erantzukizunak zehaztea, bai haien maila ofizialetan, bai agindu horiek eman dituzten gobernuetan.
  • Elkartasuna adierazten diegu protestaren kriminalizazioaren eta errepresioaren ondorioak jasan dituzten eta jasaten dituzten pertsona guztiei.
  • Salatzen dugu indarkeriaren gorakadaren egoera erabiliz, mobilizazioetatik kanpoko taldeek ondasun komunak arpilatu eta erasotzeko erabili izana, bai eta ekintza horiek protesta soziala kriminalizatzeko erabili izana ere.
  • Gure elkartasuna adierazten diegu Kolonbiako herritarrei, eta beren eskaerekin bat egiten dugu bizi-baldintzak benetan hobetzeaz eta justizia soziala duen herrialde baketsu bilakatzeaz hitz egiten dutenak.
  • Nazioarteko Komunitateari eskatzen diogu elkartasun adierazpenak egin ditzala Kolonbiako herriarekin, bai eta Ivan Duqueren Gobernuaren aurrean behar diren ekintza diplomatiko eta politikoak aurrera eraman ditzala ere, errepresioa amaitzeko eta Kolonbiako herriaren eskubideak errespetatzeko.

2. ISRAELEN ERASOA PALESTINAR HERRIARI

Israelgo auzitegiek Jerusalemgo Sheikh Jarrah auzotik hainbat familia kanporatzeko eta Israelgo estatuko segurtasun indarrek Al-Aqsa meskitaren aurka egindako erasoaren ostean, Palestinako tentsioa gogortu egin zen berriro.

Benjamin Netanyahu Israelgo lehen ministroak maiatzaren 11n iragarri zuen Israelek Gazaren aurkako erasoak areagotuko dituela, eta dagoeneko 43 pertsona hil dira eraso horietan, tartean gutxienez 13 adingabe daudelarik. Zisjordanian gutxienez bi gazte hil dira, horietako bat adingabea. Ildo horretan, azken egunotan ehunka bonbardaketa egin ditu Israelek Gazan.

Israelgo armadak 5.000 erreserbista mobilizatu ditu eta iraupen zehaztugabeko erasoaldi baterako prestatzen ari da.

NBEk indarkeria maila horrek Palestinako biztanleengan dituzten ondorio humanitario larriez ohartarazi du.

Horregatik guztiagatik, Amasa-Villabonako udalbatzak honakoa adierazten du:

  • Israelek Palestinako herriari eragiten dizkion giza eskubideen urraketak salatzen ditugu.
  • Nazioarteko komunitateari dei egiten diogu erasoaldi militar hori geldiarazteko eta elkarrizketarako eta negoziaziorako bideei berriro ekin diezaion.
  • Mahmud Abbas Palestinako presidenteak Europako erakundeen laguntzarekin Nazioarteko Bake Konferentzia bat egiteko egindako eskaera babesten dugu.
  • Nakbaren 73. urteurrenean, Israelek lurralde palestinarrak legez kanpo okupatzen jarraitzen duela salatzen eta gaitzesten dugu.
  • Elkartasuna eta konpromisoa adierazten dugu herri palestinarraren giza eskubideen defentsarekin, Nazioarteko Zuzenbideak ezartzen duen bezala.
  • Eroera larri honen aurrean, Palestinara bideratzen den laguntza humanitarioa indartzeko eskatzen diegu Euskal Herriko erakunde nagusiei: Araba, Bizkaia eta Gipuzkoako Foru Aldundiei, Eusko Jaurlaritzari, Nafarroako Gobernuari eta Ipar Euskal Herriko Elkargoari.

 

logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.