Egoera kaxkarrean zegoen zuhaitza kendu du Udalak Arroako ibai ondoko pasealekutik
- Post 2022 Abendua 20
Fleming eskolako teilatuaren gainera erortze-arriskua zuen Makala zuhaitz bat kendu du Udalak Arroa auzoko ibai ondoko pasealekutik. Zuhaitza egoera txarrean aurkitzen zen, eta haize bolada handiekin eskolako teilatuaren gainera erortzeko arriskua zuen.
Herritarren eta Fleming Herri Eskolako ikasle eta irakasleen segurtasuna bermatzeko, Udalak zuhaitza kentzea erabaki du. Dena den, enborra bertan geratuko da, eskola ondoko berdegunean, haurrek jolasteko.
Jardineria Iñigo arduratu da lan hau gauzatzeaz, eta 3.605,80 euroko aurrekontua izan du.
