Autoa partekatzearen abantailak aurkezteko solasaldia
- Post 2023 Urtarrila 17
Klima-aldaketari aurre egin eta energia aurrezteko erronkei erantzuna emateko asmoz, Amasa-Villabonako Udaleko Ingurumen sailak eta Tolosaldea Garatzenek elkarlanean, autoak partekatzeak eskaintzen dituen onurak ezagutaraziko dituzte hilaren 25ean, Udaletxeko balioanitzeko gelan. Era berean, Tolosaldean ekimen honen alde egitea posiblea den aztertuko dute eskualde mailan burutzen ari diren prozesu baten bidez.
Gauzak horrela, urtarrilaren 25ean izango den hitzaldi-solasaldian, autoa partekatzearen ekimenaren berri emateaz gain, herritarren iritziak ere jaso nahi dira, ezinbestekoa baita gai honekiko dugun ikuspegia ezagutzea.
Beraz, Udalak herritarrak animatu nahi ditu solasaldira bertaratzera, iritzia ematera eta sortu daitezkeen zalantzak argitzera.
Eguna: 2023ko urtarrilak 25, asteazkena
Iraupena: 18:00 - 20:00
Tokia: Udaletxeko balioanitzeko gelan
