Euskaran Ados! mahai irekiaren bilkura urtarrilaren 30ean
- Post 2023 Urtarrila 27
Amasa-Villabonako udalak sustatutako Euskaran Ados! euskararen aldeko foro irekiak bilera berri bat izango du datorren astelehenean, urtarrilak 30, 18:00etan Villabonako udaletxeko Batzar aretoan. Euskalgintzan jarduten duten eragile, talde eta norbanakoen bilgune honetan, honako gaiak jorratuko dira:
- Aurreko bileran (abenduak 12) jasotako aktaren errepasoa eta onarpena.
- Euskararen kale-erabileraren neurketa: Amasa-Villabonan hitanoaren erabilerari buruzko emaitzen txostena aztertzea eta ondorioak ateratzea..
- Euskara sailak 2023rako egiten dituen hainbat aurreikuspenen berri ematea.
- “Pantailak euskaraz: ezinbesteko erronka” hitzaldia antolatzeko proposamena.
- Euskararen memoria “Egia, aitortza eta erreparazioa” solasaldi zikloaren saio bat antolatzeko proposamena.
- Parte hartzaileek mahai gainean jarri ditzaketen gai-zerrendatik kanpoko gaiak.
