22Maiatza2024

007.jpg

Nabarmenak

Nabarmenak

 

bannerra GIDARENA

 

            BaliabideenGida-English     BaliabideenGida-Française

 

ALBISTEAK

Horrela ez da garraio publikoa sustatzen!

332234669 1936429783374473 1541893824139316163 n

Atzo, igandea, Amasa-Villabonako herritar askok zailtasun handiak izan zituzten Tolosako iñauterietara garraio publikoan joan ahal izateko. Bai autobusak eta baita trenak ere, guztiz beterik iristen ziren gure herriko geltokietara eta bertan zain zeuden pertsona gehienek ezin izan zuten sartu.

Tolosatik herrira bueltatzeko garaian ere, iluntzean eta gauean, egoera antzekoak errepikatu ziren; tren eta autobus asko jendez gainezka zeuden, zegoen beharrari erantzuteko zerbitzu nahikorik ez zegoelako.

Argi geratu zen autobus zerbitzuetan ezarritako errefortzuak ez zirela inondik inora nahikoak izan, eta tren zerbitzuari dagokionez, ulertezina da egunean zehar Renfeko aldirietako zerbitzuak ez zabaltzea Gipuzkoa osoko horrenbeste jende erakartzen duen Tolosako iñauterietako egunik handienean. Tren batzuk gehiago eta luzeagoak (bagoi gehiagorekin) ezarriz gero, arazoa konpondu zitekeen.

Garraio publikoa erabiltzeko hautua egin zuten Amasa-Villabonako ehunka herritar kaltetuak izan ziren eta denbora eta pazientzia asko behar izan zuten Tolosara iristeko edota bueltatzeko. Jende askok auto pribatua hartu behar izan zuen garraio publikoan zegoen kolapsoagatik.

Nabarmena da horrelako zerbitzu eskasarekin ez dela garraio publikoaren erabilera sustatzen, guztiz kontrakoa baizik.

Garraio publikoko bi zerbitzu hauetan erabakiak har ditzaketen arduradunei, neurriak hartzea eskatzen diegu, atzoko kaosa berriro errepika ez dadin.


Amasa-Villabonako Udal Gobernu Taldea

logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.