Jolastu, elkartu eta euskarara gerturatu!
- Post 2023 Urria 09
Tolosaldera bizitzera etorri berri diren haur eta gazteei harrera ona egiteko eskolaz kanpoko gunea da Gazteak Ongi Etorri egitasmoa. Astero biltzen da taldea eskolaz kanpoko orduetan, jolastu, ondo pasa eta gaztetxo gehiago ezagutzeko. Azken batean, herri giroan murgiltzeko.
Norentzat?
Azken bi urtetan Tolosaldeko herri edo ikastetxe batera iritsi diren 6-12 urte bitarteko haur eta gazteentzat.
Zer egiten dute saioetan?
• Herri kirolak eta gainerako kirolak
• Filmak ikusi
• Rol eta mahai jolasak
• Irteerak egin
Tolosaldeko ekintzak 2023-2024
• Villabona: Gaztelekuan, 6-9 urte bitarteko gaztetxoentzat. Astelehenetan 17:15 – 19:15 ordutegian.
• Tolosa: Gazte Topagunean, 9-12 urte bitarteko gaztetxoentzat. Astearteetan, 17:30 – 19:30 ordutegian.
• Tolosa: Gazte Topagunean, 6-9 urte bitarteko gaztetxoentzat. Astearteetan, 17:30 – 19:30 ordutegian.
Informazio gehiago
• Taldea: Euskara Egoera beretsuan dauden adin bereko haurrek osatzen dute taldea.
• Begiraleak: Hezten elkarteko begiraleek dinamizatzen dituzte saioak.
• Maiztasuna: Astean behin elkartzen da taldea, ikasturte osoan zehar.
• Euskara: Euskal kulturara gerturatzea ere bada xedea, hizkuntza bizia dela erakusteko.
Egitasmo honetan parte hartzea doakoa da, eta nahi adina saiotara joateko aukera dago aurrez HEMEN izena emanez gero.
