- 2012 Azaroa 06
Frankismoak herrian utzitako aztarnak, liburu batean jasoak
"Frankismoaren aztarnak arakatzen. Amasa-Villabonako frankistek idatzita utzi ziguten liburua" aurkeztuko dute hilaren 9an, ostiralean, arratsaldeko 19:00etan herriko Mintzolan. Argitalpenaren egileak, Esti Amenabarro, Karlos Almorza eta Pello Aranburu, bertan izango dira lanaren xehetasun guztiak herritarrekin partekatzeko. "Amasa-Villabonako Udal Artxiboan aurkitu genituen dokumentuetan oinarritzen da lana. Paper guztiak arakatu eta modu pedagogiko batean bildu ditugu liburu honetan", diote. Argitalpen honek, oro har, bi helburu ditu: batetik, Frankismoaren ondorioak jasan zituztenek "merezi duten onespena izatea" eta, bestetik, Amasa-Villabonako herriak "diktadura garaian gertatu zenaren egia jakitea".
